Спартак (филм)
Спартак (анг. Spartacus) е акцискo - авантуристички - биографски - драма - историски - романтичен - воен филм од 1960 година, режиран од Стенли Кјубрик, заснован врз истоимениот роман од Хауард Фест кој пак е инспириран од животот на римскиот роб Спартак и востанието на робовите. Во филмот глумат Кирк Даглас во улогата на бунтовниот роб Спартак и Лоренс Оливие како неговиот непријател, римскиот генерал и политичар Марко Ликиниј Крас. Другите улоги ги толкуваат Питер Јустинов (добитник на оскар за најдобра споредна улога за својата изведба на трговецот со робови Лентул Батиатиј), Џон Гевин како Јулиј Цезар, Џин Симонс, Чарлс Лафтон, Херберт Лом, Вуди Строуд, Тони Кертис, Џон Дал и Чарлс Мекгро.
| „Спартак“ | |
|---|---|
 Оригинален постер | |
| Режисер | Стенли Кјубрик |
| Продуцент | Кирк Даглас |
| Сценарист | Хауард Фест Далтон Трамбо |
| Главни улоги | Кирк Даглас Лоренс Оливие Питер Јустинов Џон Гевин Џин Симонс Чарлс Лафтон Тони Кертис |
| Музика | Алекс Норт |
| Кинематографија | Расел Мети |
| Монтажа | Роберт Лоренс |
| Дистрибутер | Universal Pictures |
| Премиера | 7 октомври 1960 |
| Времетраење | Премиера: 184 мин. 1967 реиздание: 161 мин. 1991 реиздание: 198 мин. |
| Земја |  САД |
| Јазик | Англиски |
| Буџет | $12 милиони |
| Бруто заработка | $60 милиони |
Автор на титловите е дизајнерот Саул Бас.
Кратка содржина уреди
Филмот започнува во рудник каде работат робови во римската провинција Либија. Спартак, цврст Тракиец му помага на еден старец кој уморен паѓа на земја. Еден римски војник му наредува на Спартак да се врати на работа, но тој го напаѓа и гризнува за глуждот, веројатно Ахиловата тетива (во филмот, се вели дека тој му ја пресекол тетивата на стражарот, што е очигледно неточно.) Поради ова, Спартак е врзан и осуден на смрт со гладување. Лентул Батиатиј, ланиста (импресарио за гладијаторски игри), пристигнува во Либија, барајќи регрути за неговата гладијаторска трупа. Со одбивност испитува неколку робови пред конечно да го види Спартак, препознавајќи го неговиот нескршлив дух. Батиатиј отпловува за Капуа, каде се наоѓа неговиот гладијаторски камп.