Сократ Лафазановски
Сократ Лафазановски (В’мбел, Костурско, Егејска Македонија, 11 септември 1939) — македонски сликар и балетски уметник.[1]
| Сократ Лафазановски | ||
| ||
| Роден | 11 септември 1939 В’мбел, Костурско, Егејска Македонија | |
|---|---|---|
| Занимање | сликар балетски уметник | |
За време на Граѓанската војна во Грција со семејството пребегал во Романија. Во Букурешт завршил училиште за применета уметност - сликарство и балетско училиште, а дипломира ликовна уметност на Педагошката академија во Скопје.
Покрај професионалната сликарска дејност, цели 14 години бил професионален балетски уметник во Операта во Брашов (Романија) и Македонскиот народен театар во Скопје. Како сценограф има изведено преку 25 оперски постави, оперети, класични балети и претстави за деца. Работел и како ликовен педагог.
За 35 години уметничко творештво, Лафазановски има насликано околу 1200 уметнички дела изведени во масло, акварел и пастел. Од нив, 600 се наоѓаат во Скопје, 200 се подарени на установи, пријатели и љубители на убавата уметност, а останатите се во други земји: Србија, Црна Гора, Романија, Италија, Австрија, Германија, Франција, Данска, Австралија, Грција.
Член е на Друштвото на ликовни уметници на Македонија.