Религија во Полска

Верници во Полска (2011)
Римокатолици
  
86,7 %
Православни
  
1,3 %
Протестанти
  
0,3 %
Јеховини сведоци
  
0,3 %
Други околу
  
0,3 %

Поголемиот дел од полските граѓани, односно околу 86.9% од вкупниот број на населението, припаѓаат на Римокатоличката црква (Римокатолици - 86.7%).[1] Во оваа бројка се вклучени и христијаните унијати од Украина и Ерменија. Полска е една од најрелигиозните држави во Европа.

Поради Холокаустот и Втората светска војна, Полска стана скоро хомогена католичка држава. Католицизмот има важна улога во животите на голем број Полјаци и Римокатоличката црква во Полска ужива огромен углед и има големо влијание врз секојдневниот живот на Полјаците.[2] Притиснати од запад од претежно протестантската Германија и од исток од православната Русија, за Полјаците националното спознание е тесно поврзано со Римокатоличката црква. Полска и Ирска претставуваат единствените две земји во светот каде Римокатоличката црква е директно поврзана со националното самобитие на народите.

Освен римокатоличката, во земјата се застапени и други религиозни организации, а како втора најголема е православието (504.150), Јеховини сведоци (129.270) и разни протестанти (околу 140.000).[1]

Според анкетата спроведена од страна на Евробарометар во 2005,[3]

  • 80% од полските граѓани одговориле дека „веруваат во Бог односно дека тој постои“.
  • 15% одговориле дека „веруваат во некоја друга натприродна сила“.
  • 3% одговориле дека „не веруваат ниту во Бог ниту во некоја друга сила“.
  • 2% одговориле дека „не знаат“.

Слободата на религиозната определба е загарантирана со Уставот на Полска од 1989 година.

Наводи уреди

  1. 1,0 1,1 Główny Urząd Statystyczny:Rocznik statystyczny Rzeczypospolitej Polskiej 2012, Zakład Wydawnictw Statystycznych, Warszawa: 2012 (англиски)/(польск.)
  2. "Encyclopedia Britannica-Religion in Poland".
  3. „Eurobarometer on Social Values, Science and technology 2005 - page 11“ (PDF). Посетено на 2007-05-05.