Расмус Елм
Расмус Кристофер Елм (роден на 17 март 1988 година) бил поранешен шведски фудбалер кој игра на позицијата играч од средниот ред. Моментално е помошник тренер на фудбалскиот клуб ФФ Калмар. Во текот на својата кариера играл за тимот на Калмар ФФ во Шведска, за АЗ во Холандија и руската ЦСКА Москва. Елм одиграл 39 натпревари за репрезентацијата на Шведска, а имал и настапи за УЕФА ЕВРО 2012 година. Тој е најмладиот брат во семејството, а останатите двајца се Виктор и Дејвид Елм.
Клупска кариера уреди
Почетна кариера уреди
Во неговото детство, Елм играл за Јохансфор ИФ и Емабода ИС, пред да потпише во јануари 2005 година за тимот на Калмар ФФ.[1]
Калмар ФФ уреди
За четири и и половина години минати во клубот Алсвенскан, Елм одиграл 96 натпревари, а постигнал 17 гола. Додека бил во Калмар, тој му помогнал на тимот да ги освои Купот на Шведска во 2007, Алсвенскан во 2008 и Шведскиот Суперкуп во 2009 година.[2]
АЗ уреди
На 27 август 2009 година, Елм потпишал четиригодишен договор со екипата од Ередивизија, АЗ Алкмар. Тој својот прв натпревар го одиграл на 12 септември 2009 година во поразот од 2:1 против тимот на АДО Ден Хаг.
Поранешниот селектор на шведската репрезентација Ларс Лагербек еднаш прокоментирал дека Елм е најголемиот талент што Шведска го имала уште од времето на Златан Ибрахимовиќ.[3] Во првите две сезони од претстојот во АЗ тој страдал од чести повреди и болести. Елм имал успешна сезона 2011-12. Тој успеал да добие неколку награди за играч на натпреварот во текот на таа сезона и бил пофален од страна на новинарите, весниците и навивачите. Пофалбите биле за неговите проигрувања, слободни удари, како и за неговите убави голови.
Елм одиграл вкупно 83 натпревари за тимот АЗ пред да го напушти клубот во текот на летото 2012 година.[4]
ЦСКА Москва уреди
На 30 јули 2012 година, Елм потпишал тригодишен договор во Руската премиер лига за тимот на ЦСКА Москва, добивајќи го дресот со број 20.[4] На 21 октомври 2012 година, го постигнал својот прв гол за тимот, откако го реализирал пеналот на домашен терен против Рубин Казан во победата од 2:0.[5] На 3 јануари 2015 година, на Елм му бил раскинат договорот со ЦСКА со заедничка согласност од негова и клупска страна. Овој период му бил повеќе од потребен за да може да се рехабилитира и да се одмори од напорните од тренинзи, но и од долгото стомачно заболување.[6][7]
Враќање во клубот на Калмар ФФ и негово пензионирање уреди
Елм се вратил во тимот на Калмар и Шведска пред да започне сезоната во лигата Алсвенскан 2015 година. На почетокот на 2020 година, Елм го објавил своето повлекување од професионалниот фудбал, наведувајќи здравствени проблеми поврзани со неговата стомачна болест.[8]
Меѓународна кариера уреди
Елм бил капитен на шведскиот тим до 19 години. Во август 2007 година, го имал првиот настап за тимот до 21 година.[9] На 11 февруари 2009 година, Елм го постигнал својот прв гол за шведскиот сениорски тим на пријателски натпревар против екипата на Австрија.[9] Тој ја претставувал Шведска на ЕВРО 2012 во Украина и Полска.[10] На 16 октомври 2012 година, тој го постигнал четвртиот и израмнувачки гол во одличното реми на тимот на Шведска од 4:4во Берлин против Германија во квалификациите за Светското првенство во ФИФА 2014 година – Група Ц на УЕФА. Швеѓаните губеле со резултат од 0:4 до последните 29 минути од натпреварот кога налетот на тимот со голови бил неверојатен. Голот на Елм бил последен, бил во судиското надополнување и воедно бил израмнувачки за 4:4. Овој натпревар бил прогласен за еден од најдобрите на Шведска во својата историја.[11][12]
Приватен живот уреди
Сите деца од неговата фамилија играле фудбал. Тоа било случај со неговите двајца браќа, но и со неговите сестри. Неговиот брат Дејвид, играл за тимот на Фулам, а неговиот друг брат Виктор, помеѓу другите тимови играл и за холандски АЗ.
Статистика во кариерата уреди
Клупска кариера уреди
Објавено на 19 март 2021 година [13]
| Клуб | Сезона | Лига, Натпревари и голови | Натпревари од Купот | Континентални Европски | Вкупно | |||||
|---|---|---|---|---|---|---|---|---|---|---|
| Лига | Настапи | Голови | Настапи | Голови | Настапи | Голови | Настапи | Голови | ||
| Калмар ФФ | 2005 | Алсвенсканпрва шведска лига | 7 | 0 | 0 | 0 | — | 7 | 0 | |
| 2006 | Алсвенсканпрва шведска лига | 23 | 1 | 0 | 0 | — | 23 | 1 | ||
| 2007 | Алсвенсканпрва шведска лига | 20 | 4 | 0 | 0 | — | 20 | 4 | ||
| 2008 | Алсвенсканпрва шведска лига | 27 | 5 | 2 | 0 | 2 | 0 | 31 | 5 | |
| 2009 | Алсвенсканпрва шведска лига | 19 | 9 | 3 | 1 | 2 | 2 | 24 | 12 | |
| Вкупно | 96 | 19 | 5 | 1 | 4 | 2 | 105 | 22 | ||
| АЗ Алкмар | 2009–10 | Ередивизија
прва холандска лига |
23 | 3 | 3 | 0 | 0 | 0 | 26 | 3 |
| 2010–11 | Ередивизија
прва холандска лига |
28 | 5 | 3 | 1 | 4 | 0 | 35 | 6 | |
| 2011–12 | Ередивизија
прва холандска лига |
32 | 10 | 4 | 1 | 16 | 2 | 52 | 13 | |
| Вкупно | 83 | 18 | 10 | 2 | 20 | 2 | 113 | 22 | ||
| ЦСКА Москва | 2012–13 | Руска премиер лига | 26 | 5 | 3 | 0 | 2 | 0 | 31 | 5 |
| 2013–14 | Руска премиер лига | 21 | 0 | 4 | 0 | 4 | 0 | 29 | 0 | |
| Вкупно | 47 | 5 | 7 | 0 | 6 | 0 | 60 | 5 | ||
| Калмар ФФ | 2015 | Алсвенсканпрва шведска лига | 12 | 0 | 1 | 0 | — | 13 | 0 | |
| 2016 | Алсвенсканпрва шведска лига | 18 | 1 | 4 | 1 | — | 22 | 2 | ||
| 2017 | Алсвенсканпрва шведска лига | 3 | 0 | 3 | 0 | — | 6 | 0 | ||
| 2018 | Алсвенсканпрва шведска лига | 19 | 1 | 1 | 0 | — | 20 | 1 | ||
| 2019 | Алсвенсканпрва шведска лига | 20 | 0 | — | — | 20 | 0 | |||
| Вкупно | 72 | 2 | 9 | 1 | 0 | 0 | 83 | 3 | ||
| Вкупно во кариера | 298 | 44 | 31 | 4 | 30 | 4 | 361 | 52 | ||
Меѓународни натпревари уреди
| Репрезентација | Година | Натпревари | Голови |
|---|---|---|---|
| Шведска | 2009 година | 11 | 1 |
| 2010 година | 2 | 0 | |
| 2011 година | 8 | 0 | |
| 2012 година | 10 | 2 | |
| 2013 година | 8 | 1 | |
| Вкупно | 39 | 4 | |
| # | Датум | Место на одржување | Противник | Резултат | Резултат | Тип на натпревар |
|---|---|---|---|---|---|---|
| 1. | 11 февруари 2009 година | УПЦ-Арена, Грац, Австрија |  Австрија
|
1 – 0 | 2–0 | Пријателски натпревар |
| 2. | 11 септември 2012 година | Сведбанк Малме, Шведска |  Казахстан
|
1 – 0 | 2–0 | Квалификации за Светското првенство во ФИФА 2014 година |
| 3. | 16 октомври 2012 година | Олимписки стадион, Берлин, Германија |  Германија
|
4 – 4 | 4–4 | Квалификации за Светското првенство во ФИФА 2014 година |
| 4. | 6 февруари 2013 година | Френдс Арена, Солна, Шведска |  Аргентина
|
2 – 3 | 2–3 | Пријателски натпревар |
Наводи уреди
- ↑ „"Tårarna rann – det var så mäktigt"“. Aftonbladet (шведски). Посетено на 2020-10-09.
- ↑ „Elm slutar i Blågult: "Var sak har sin tid"“. Aftonbladet (шведски). Посетено на 2020-10-09.
- ↑ Dutt, Sujav (11 June 2012). „Sweden's Elm backed to blossom at EURO“. uefa.com. Посетено на 12 August 2012.
- ↑ 4,0 4,1 Hedlundh, Kent (30 July 2012). „Elm explains Moscow move“. Sky Sports. Посетено на 12 August 2012.
- ↑ „Архивиран примерок“. Архивирано од изворникот на 27 December 2012. Посетено на 11 March 2013.
- ↑ „Rasmus Elm left PFC CSKA“. pfc-cska.com. PFC CSKA Moscow. 3 January 2015. Посетено на 4 January 2014.
- ↑ Эльм покинул ЦСКА. championat.com (руски). Championat. 3 January 2015. Посетено на 4 January 2015.
- ↑ „Rasmus Elm lägger av: "Inte lyckats"“. SVT Sport (шведски). 2020-03-07. Посетено на 2020-10-09.
- ↑ 9,0 9,1 Jansson, AnnaMaria (11 February 2009). „Rasmus Elm frälste Sverige“ (шведски). Aftonbladet. Посетено на 11 February 2009.
- ↑ „Här är den svenska EM-truppen - Radiosporten“.
- ↑ O'Connor, Philip (17 October 2012). „Swedish coach didn't sleep following amazing fightback in Germany“. Irish Independent. Посетено на 17 October 2012.
- ↑ „The night efficiency died: Sweden collapse signals the end of German mental toughness“. GOAL. 17 October 2012. Посетено на 17 October 2012.
- ↑ 13,0 13,1 „Rasmus Elm - Spelarstatistik - Svensk fotboll“. www.svenskfotboll.se. (шведски). Посетено на 2021-03-19.
Надворешни врски уреди
- Расмус Елм – Профил на службената страница на ФИФА
- Расмус Елм во Калмар ФФ (на шведски)
- Расмус Елм на National-Football-Teams.com