Википедија

Рамала

Рамала (арап. رام الله; Rām Allāh, превод: „Божји рид“ [2][3]) е палестински град во средишниот дел од Западен Брег и де факто е административен главен град на Државата Палестина. Се наоѓа на Јудејските Планини, 10 км северно од Ерусалим, на просечна надморска височина од 872 м.[4]

Рамала
رام الله
Град
Од горе во насока на стрелите на часовникот:
Панорама на Рамала и главната џамија, гробот на Арафат, црквата „Богородично благовестие“, римски руини, плоштадот Ал-Манара
ДржаваДржава Палестина
Површина
 • Град16,3 км2 (63 ми2)
Население (2017)[1]
 • Град38,998
 • Густина0,24/км2 (0,62/ми2)
 • Метро153,237
Мреж. местоwww.ramallah.ps

Историја уреди

Рамала има градби кои содржат ѕидарски елементи од периодот на Ирод Велики, но ниту една целосно зачувана градба не е изградена во периодот пред крстоносните војни (11 век).[4] Денешниот град е основан во текот на 16 век од Хададините, арапски христијански клан кој потекнува од Гасанидите. Во 1517 година, градот бил освоен од Отоманската Империја, а откако за време на Првата светска војна бил заземен од Обединетото Кралство, според одлуките од Версајскиот договор во 1920 година станал дел од Британскиот мандат Палестина.[4] По Арапско-израелската војна од 1948 година целиот Западен Брег, вклучувајќи го и градор Рамала бил окупиран и припоен кон Трансјордан. Рамала, во Шестдневната војна од 1967 година била освоена од Израел. Според Договорот од Осло од 1995 година, со Рамала денес управува ПНА како дел од Областа А на Западниот Брег.

Економија и култура уреди

Рамала е седиште на палестинската управа и служи како седиште за повеќе меѓународни невладини организации и амбасади. Стотици милиони долари помош што тече во градот во голема мера ја поттикна економијата на Рамала од крајот на Втората интифада.[5]

Во последниве години, Рамала се истакна како главен политички, културен и економски центар.[6][7] Во градот се сместени многу палестински владини тела, меѓу кои и Мукатаа, официјална резиденција на претседателот на Палестинската национална управа, Палестинскиот законодавен совет и седиштето на Палестинските безбедносни служби. Таму исто така има неколку музеи и културни центри и има развиен ноќен живот.

Демографија уреди

 
Главната улица во Рамала

Иако низ историјата Рамала бил град со претежно христијанско население, во градот кој според пописот од 2017 година брои 38.998 жители,муслиманите се значително мнозинство.[8] Христијанското население во градот, кое се движи околу 25%.[9][10]

Збратимени градови уреди

Рамала е збратимен со:[11][12]  

  • Бордо, Франција
  • Хенслоу, Англија, Обединетото Кралство
  • Јоханесбург, Јужна Африка
  • Лиеж, Белгија
  • Мускатин, Соединети Американски Држави
  • Оксфорд, Англија, Обединетото Кралство
  • Сур, Турција
  • Трондхајм, Норвешка

Поврзано уреди

Наводи уреди

  1. ↑ „Main Indicators by Type of Locality - Population, Housing and Establishments Census 2017“ (PDF). Palestinian Central Bureau of Statistics (PCBS). Архивирано (PDF) од изворникот January 28, 2021. Посетено на 2021-01-19.
  2. ↑ „Ramallah.ps“. Ramallah.ps. Архивирано од изворникот на November 5, 2011. Посетено на November 13, 2011.
  3. ↑ Palmer 1881
  4. ↑ 4,0 4,1 4,2 „Ramallah | town, West Bank | Britannica“. www.britannica.com (англиски). Посетено на 2022-06-10.
  5. ↑ „West Bank and Gaza Economy: Before and After the Crisis – Brookings Institution“. Brookings.edu. January 14, 2009. Архивирано од изворникот на June 3, 2010. Посетено на November 13, 2011.
  6. ↑ „'Palestine's new bride'“. The Jerusalem Post | JPost.com (англиски). Посетено на 2022-06-10.
  7. ↑ Michael T. Luongo, "Ramallah Attracts a Cosmopolitan Crowd" Архивирано на {{{2}}}., June 3, 2010, The New York Times.
  8. ↑ التعداد العام للسكان 2017 - الجهاز المركزي للإحصاء الفلسطيني Архивирано на {{{2}}}.
  9. ↑ Hall, Andy.
  10. ↑ Keulemans, Chris.
  11. ↑ „International Relations of Ramallah Municipality“. arcgis.com. ArcGIS. Посетено на 2020-05-28.
  12. ↑ „International Links – Ramallah“. oxford.gov.uk. Oxford City Council. Посетено на 2020-05-28.
Преземено од „https://mk.wikipedia.org/w/index.php?title=Рамала&oldid=5062527“