РК Алкалоид
РК Алкалоид — ракометен клуб од Скопје, Македонија. Клубот моментално се натпреварува во Супер лигата.
| РК Алкалоид | |||
|---|---|---|---|
 | |||
| Целосен назив | Ракометен клуб Алкалоид | ||
| Основан | 7 јули 2021 | ||
| Игралиште | Спортска сала Автокоманда | ||
| Приемност | 1,000 | ||
| Престедател | Горан Минов | ||
| Главен тренер | Кирил Лазаров | ||
| Лига | Супер лига | ||
| 2022/23 | Вицепрвак | ||
| Бои | |||
| Клупски бои | |||
| Дресови | |||
| |||
Историја уреди
РК Алкалоид службено бил основан на 7 јули 2021 година. Зад клубот стои фармацефтското претпријатие Алкалоид, на чело со Живко Мукаетов, која е 100% сопственик на клубот. Со меморандум за соработка, било службено постигнато партнерството на РК Алкалоид со брендот на Кирил Лазаров, „КЛ7“.[1] Тогаш, натпреварите на домашен терен екипата ги играла во А1 Арена Борис Трајковски. РК Алкалоид започнал да се натпреварува во Првата македонска лига во сезоната 2021/22. Прв претседател на клубот бил поранешниот ракометар Горан Минов.[2]
На 18 септември, екипата на РК Алкалоид го одиграла својот прв службен натпревар. Во играчкиот состав на РК Алкалоид за првата сезоната биле: голмани: Иван Галевски, Ѓорѓи Ерманоски, Валентино Штаковски; бекови: Мартин Серафимов, Игор Ѓоргиев, Теодор Тодески, Олег Јорданов, Михаил Ивановски, Божидар Илиески; кружни напаѓачи: Кристијан Симоноски, Марко Стојковиќ, Дамјан Георгиевски; крила: Дарио Кофилоски, Александар Стојков, Мартин Димовски, Михајло Костовски. Во стручниот штаб за истата сезона бил: Љубомир Савевски како главен тренер, и Билјана Црвенкоска, Бранислав Ангеловски, Влатко Котески како помошници тренери.[1] Сезоната 2021/22, РК Алкалоид успеал да стане првак, обезбедувајќи пласман во Супер лигата за сезоната 2022/23.[3]
На крајот на мај 2022 година, клубот доставил барање за да ја земе под концесија Спортската сала Автокоманда.[4] Во меѓувреме, екипата на Алкалоид играла како домашна екипа во Спортскиот центар Јане Сандански.[5] Веќе на 24 декември истата година, нодновената сала била пуштена во употреба. Со тоа, салата станала домашно тло и на вториот клуб во посед на Алкалоид, РК Мулти Есенс[6] кој бил создаден истата година.[7]
Сезоната 2022/23 Алкалоид бил вицепрвак во Супер лигата. Со тој подвиг, Алкалоид обезбедил учество во Европската лига и тоа директно во групната фаза од натпреварувањето.[8]
Досегашни главни тренери уреди
Љубомир Савевски (август 2021[9]-2022)- Кирил Лазаров (август 2022[10]-)
Моментален состав уреди
- Состав за сезоната 2023/24
|
|
Стручен штаб уреди
| Положба | Име |
|---|---|
| Главен тренер |  Кирил Лазаров
|
| Помошници тренери | Билјана Црвенкоска Јане Цветковски
|
| Кондициски тренер | Петар Баснарков
|
| Физиотерапевти | Тоше Ристовски Тоше Трајковски
|
Извор: РК Алкалоид
Успеси уреди
- Првак: 2021/22
Наводи уреди
- ↑ 1,0 1,1 „РК Алкалоид го претстави ростерот и стручниот штаб пред дебито на македонската сцена“. ekipa.mk. 17 септември 2021. Архивирано од изворникот 2021-10-23. Посетено на 13 октомври 2023.
- ↑ Мартин Танасковски (7 јули 2021). „Нов проект во мак-ракометот: Се „роди" РК Алкалоид!“. gol.mk. Архивирано од изворникот 2023-10-13. Посетено на 30 мај 2022.
- ↑ Горан Упале (29 мај 2022). „Алкалоид со стил се одјави од Прва лига и го крена шампионскиот пехар!“. gol.mk. Архивирано од изворникот 2022-05-29. Посетено на 30 мај 2022.
- ↑ „РК Алкалоид ја бара под концесија салата во Автокоманда“. 24rakomet.mk. 1 јуни 2022. Архивирано од изворникот 2023-10-13. Посетено на 13 октомври 2023.
- ↑ Мартин Танасковски (22 декември 2022). „Алкалоид влезе во новата ракометна „база" и ги промовира дресовите!“. gol.mk. Посетено на 13 октомври 2023.
- ↑ Мартин Танасковски (24 декември 2022). „РК Алкалоид ја пушта во функција новата клупска база, со стратегија за иднината!“. gol.mk. Посетено на 13 октомври 2023.
- ↑ „Нашиот клуб“. РК Алкалоид. Архивирано од изворникот 2022-12-25. Посетено на 13 октомври 2023.
- ↑ „Алкалоид е вицепрвак на Македонија“. fokus.mk. 27 мај 2023. Архивирано од изворникот 2023-05-27. Посетено на 13 октомври 2023.
- ↑ Весна Николовска (22 август септември 2021). „Савевски: РК Алкалоид е иднината на машкиот ракомет“. 24rakomet.mk. Архивирано од изворникот 2023-10-13. Посетено на 13 октомври 2023. Проверете ги датумските вредности во:
|date=(help) - ↑ Ф.К. (23 август 2022). „РК Алкалоид го промовираше Кире Лазаров: Чест е ми што во раце ќе имам ваков проект“. slobodenpecat.mk. Архивирано од изворникот 2022-08-26. Посетено на 13 октомври 2023.
Надворешни врски уреди
РК Алкалоид на Ризницата ?- Службено мрежно место
