Поткарпатско Војводство

Поткарпатско Војводство
Поткарпатско Војводство; województwo podkarpackie
	војводство
Знаме	Грб
	; Местоположба во Полска
	; Окрузи во Поткарпатското Војводство
Земја	Полска
Capital	Жешув
Окрузи	4 градски, 21 земски *
Површина
• Вкупно	17.844 км2 (6,890 ми2)
Население (2014)
• Вкупно	2.129.187
• Густина	120/км2 (300/ми2)
• Градскo	850.022
• Селско	1.246.949
Рег. таб.	R
Мреж. место	wrota.podkarpackie.pl
	понатаму се делат на 160 општини;

Поткарпатско Војводство (полски: województwo podkarpackie) — војводство на крајиот југоисток на Полска. Седиште и најголем град е Жешув. Сè до 1945 г. оваа улога ја имал Лавов, кој потоа прешол во Украина.

Создадено е на 1 јануари 1999 г. од дотогашните војводства Жешувско, Пшемишлско, Кросненско и (делумно) Тарнувско и Тарнобжешко, согласно управната реформа усвоена претходната година. Наречено е по блиските планини Карпати и опфаќа две историски области — западниот и северозапдниот дел припаѓаат на Малополска, а остатокот е во областа Црвена Русија. Во меѓувоениот период (1918-1939), Поткарпатското Војводство бил во помалку развиениот дел на земјата. Кон средината на 1930-тите, полската држава отпочнала големоразмерна индустријализација, создавајќи го Централниот индустриски округ. Со програмата се основани неколку крупни фабрики за оружје како ПЗЛ „Мјелец“, ПЗЛ „Жежув“, „Хута Сталова Вола“ и разни производни заводи во Дембица, Нова Демба, Санок, Тарнобжег и Нова Сажина.

Се граничи со Малополското Војводство на запад, Светокришкото на северозапад, Лублинското на север, Украина на исток и Словачка на југ. Зафаќа површина од 17.844 км² и има население од 2.129.187 жители (2014). Војводството е претежно планинско, со исклучок на северозападниот дел, кој е рамничарски. Позначајни планини се Бјешчадите и Бескидите. Има висок степен на пошуменост (35,9 %) и во себе го опфаќа целиот национален парк Бјешчади и делови од националниот парк Магура.

Градови и гратчиња

Војводството има 50 градски населени места, тука наведени по број на жители според состојбата во 2008 година:^[1]

Управна поделба

Поткарпатското Војводство е поделено на 25 окрузи, од кои 4 се градски, а 21 се земски. Тие пак се поделени на вкупно 160 општини.

Име и изворно име	Површина (км²)	Население (2006)	Седиште	Други градови	Општини
Градски окрузи
Жешув Rzeszów	77	179.455			1
Кросно Krosno	43	47.693			1
Пшемишл Przemyśl	44	66.715			1
Тарнобжег Tarnobrzeg	86	50.033			1
Земски окрузи
Жешувски powiat rzeszowski	1.219	169.586	Жешув *	Динув, Богухвала, Глогув Малополски, Соколув Малополски, Тичин, Блажова	14
Мјелечки powiat mielecki	880	133.148	Мјелец	Радомишл Вјелки, Пшецлав	10
Дембички powiat dębicki	776	132.473	Дембица	Плизно, Бжостек	7
Јарославски powiat jarosławski	1.029	122.368	Јарослав	Радимно, Прухњик	11
Јаселски powiat jasielski	830	115.128	Јасло	Колачице	10
Кросненски powiat krośnieński	924	109.715	Кросно *	Једличе, Риманув, Дукла, Ивоњич-Здруј	10
Сталововолски powiat stalowowolski	833	109.170	Сталова Вола		6
Саночки powiat sanocki	1.225	94.740	Санок	Загуж	8
Пшеворски powiat przeworski	698	78.691	Пшеворск	Кањчуга, Шењава	9
Лањцутски powiat łańcucki	452	77.710	Лањцут		7
Ропчичко-сенѓишувски powiat ropczycko-sędziszowski	549	71.220	Ропчице	Сенѓишув Малополски	5
Пшемишлски powiat przemyski	1.214	70.882	Пшемишл *		10
Лежајски powiat leżajski	583	69.235	Лежајск	Нова Сажина	5
Нисковски powiat niżański	786	67.042	Ниско	Рудник на Сан, Уланув	7
Бжозувски powiat brzozowski	540	65.254	Бжозув		6
Стшижувски powiat strzyżowski	503	61.938	Стшижув		5
Клобушовски powiat kolbuszowski	774	61.399	Колбушова		6
Лубачувски powiat lubaczowski	1308	57.120	Лубачув	Олешице, Нарол, Ќешанув	8
Тарнобжешки powiat tarnobrzeski	520	53.730	Тарнобжег *	Нова Демба, Баранув Сандомјерски	4
Лески powiat leski	835	26.613	Леско		5
Бјешчадски powiat bieszczadzki	1.138	22.213	Устшики Долне		3
* седиштето не е дел од округот