Отвори го главното мени
Дијаграм на Плиниев избув. 1: Облак од пирокластичен материјал, 2: Довод на магма, 3: Паѓање на пирокластичниот материјал, 4: Слоеви на лава и вулкански пепел, 5: Слој, 6. Магматско огниште

Плиниева ерупција или Плиниев избув – вид вулкански избув карактеристичен по сличноста со избувот на Везув од 79 година од нашата ера, кој го опишал Плиниј Помладиот. Плиниевите ерупции се карактеризираат со столбови гас и вулканска пепел кои се протегаат до стратосферата. Главни особини се исфрлање на големи количини на пемза и многу снажни и континуирани избуви на експлодирачки гас.

Кратките ерупции може да се завршат и за еден ден, но подолгите ерупции може да потраат од неколку дена до неколку месеци. Подолгите ерупции почнуваат со формирање облаци од вулкански пепел, понекогаш со пирокластични потоци. Количината на исфрлената магма може да биде толку голема па врвот на вулканот да колабира, со што настанува калдера. Финозрнестиот пепел може да се протега на голема површина околу вулканот. Плиниевите ерупции обично се проследени со голема бучава, како што бил случајот во текот на избувот на вулканотКракатау.

Вообичаено лавата е со риолитски состав и е богата со силикати. Базалтна лава не е вообичаена за овој вид на ерупција.

ПоврзаноУреди

ЛитератураУреди

  • Schmincke, H. U. 2004. Volcanism. New York: Springer. ISBN 978-3-540-43650-8
  • Ђорђевић В., Ђорђевић П., Миловановић Д. 1991. Основи петрологије. Београд: Наука