Петраќија Маркоски
Петраќија Јорданов Маркоски ( 1920 во Малкоец, Кичевско — 1 октомври 1943 во Буковиќ (планина), Кичевско) — македонски партизан, борец за слобода на Македонија и учесник во НОВ.[1]
Животопис уреди
Роден е во семејство кое се занимавало со земјоделство. Во текот на 1942 година почнал активно да го помага народно ослободителното движење, а во пролетта 1943 година бил мобилизиран од италијанската окупаторска власт, но на пат за Албанија избегал и ѝ се приклучил во редовите на Кичевско-мавровскиот партизански одред кој дејствувал низ Копачијата. Во септември 1943 година од слободно Кичево заминал со четата на комесарот Мирко Милески да ја бранат слободната територија, како пред-стража на планината Буковиќ и загинал во борба со Германците и балистите на 1 октомври 1943 година.[1]