Петар Брајовиќ
Петар Брајовиќ - Ѓуро (29 јуни 1915 во Ријека Црнојевиќ, Цетиње, Црна Гора — 20 ноември 1991 во Белград, Србија) — симпатизер на комунистичкото движење помеќу двете светски војни, учесник во НОВ и воен командант.[1]
| Петар Брајовиќ - Ѓуро | ||
| ||
| Роден | 29 јуни, 1915 година Ријека Црнојевиќ, Цетиње, Црна Гора | |
|---|---|---|
| Починал | 20 ноември, 1991 година Белград, Србија | |
Животопис уреди
Гимназија завршил во Пеќ во 1937 година, а Воена академија во 1940 година. Активно учествувал во подготовките за вооружено востание во Косово и Метохија. Бил член на КПЈ од октомври 1941 година, а од март 1942 година се илегализирал. Во почетокот на 1943 година, станал заменик командант на Карадачкиот НОПО, а од октомври 1943 година командант на Групата косовско-метохиски баталјони. Од ноември 1943 година бил назначен за командант на Првата македонско-косовска народноослободителна ударна бригада, а подоцна командант на Првата косовско-метохиска бригада и командант на Четириесет и осмата македонска дивизија на НОВЈ. Во октомври 1944 година, бил поставен за командант на Шеснаесеттиот македонски корпус на НОВЈ, а потоа командант на Оперативниот штаб на НОВ и ПО на Косово и Метохија. Во февруари 1945 година, бил тешко ранет.[1]
По војната вршел повеќе должности во ССНО.[1]