Павле (српски патријарх)

Патријарх Павле, роден како Гојко Стојчевиќ — патријарх на Српската православна црква во периодот од 1990 до 2009 година.

Патријарх Павле
Црква	Српска Православна црква
Седиште	Белград
Ракоположен	1 декември 1990
Службата завршила	15 ноември 2009
Претходник	Патријарх Герман
Наследник	Патријарх Иринеј
Лични податоци
Световно име	Гојко Стојчевиќ
Роден	11 септември 1914(1914-09-11) Кучанци, Австроунгарија
Починал	15 ноември 2009(2009-11-15) (возр. 95) Белград, Србија
Почивалиште	Манастир Раковица

Животопис

Патријархот Павле е роден на 11 септември 1914 година во селото Кучанци кај Долни Михољац во Славонија. Богословски факултет завршил во Белград. Две години студирал медицина во Белград. Во 1957 година станал архимандрит, а од 1955 година две години бил на постдипломски студии во Атина. Во 1957 година бил устоличен во Призрен од епископот Герман и захумско-херцеговскиот Владислав. На Косово поминал 33 години.

Патријархот Павле во посета на манастирот Грачаница

На вонредното заседание на Светиот архијерејски сабор на 1 декември 1990 година, со кој претседавал загрепско-љубљанскиот митрополит Јован Павловиќ, заменик на тогаш болниот патријарх Герман, се избирал нов патријарх меѓу тројцата кандидати со тајно гласање. Бидејќи ниту еден од кандидатите не добил доволен број гласови, изборот бил направен со ждрепка на т.н. „апостолски начин“, односно архимандритот троношки Антоние го извлекол името на идниот патријарх. Така Павле станал 44-поглавар на СПЦ. Тој бил устоличен на 2 декември 1990 година.