Падма
Падма (бенгалски: পদ্মা) — голема река во Бангладеш. Претставува источна и главна растока на Ганг и тече на југоисток во растојание од 356 км до нејзиниот влив во Мегна кај Бенгалскиот Залив.[1] На нејзините брегови е сместен градот Раџшахи.[2] Од 1966 г. наваму изгубени се над 66.000 хектари земја поради ерозијата на оваа река.[3]
| Падма পদ্মা নদী | |
|---|---|
 Падма во Бангладеш | |
 | |
| Местоположба | |
| Земји | Бангладеш |
| Физички особености | |
| Извор | |
| • место | раздвој на Ганг кај Гирија, Индија, и ледникот Ганготри на средните Хималаи |
| Устие | |
• место | Бенгалски Залив |
| Должина | 356 км[1] |
| Проток | |
| • просечен | Годишен просек:
Во монсунска сезона:
Во сува сезона:
|
| Особености на сливот | |
| Речен слив | Ганшки систем |
| Мостови | „Падма“, „Лалон Шах“, „Хардингов“ |
Потекло на името
уредиПоимот „падма“ е санскритски збор за лотосовиот цвет, и во хиндуистичките списи се споменува како прекар на божицата Лакшми.[4]
.JPG)
Гранична улога
уредиРеката Падма ја образува државната граница помеѓу Бангладеш и Индија, двоејќи го округот Раџшахи од бангладешка страна од округот Муршидабад во Западен Бенгал, Индија.[5][6] Подрачјето на Џаланги во Муршидабад е тешко погодено од ерозија на брегот на Падма.[7]
Инфраструктура
уредиБрана
уредиПо изградбата на регулативната брана „Фарака“ на реката Ганг во Западен Бенгал, максималниот проток на Падма заначително опаднал. Ова предизвикало многу проблеми во Бангладеш, како загуба на видови риби, пресушување на растоките на Падма, покачено надоаѓање на морска вода од Бенгалскиот Залив и штети врз мангровските шуми на природната област Сундарбан.[8]
Мост „Падма“
уредиМостот „Падма“ е најголемиот мост во Бангладеш, со цена на чинење од 3 милијарди долари. Пуштен е во употреба на 25 јуни 2022 г.[9] Првично намерата била да се пушти во 2013 г., но иднината на проектот станала неизвесна кога во јуни 2012 г. Светската банка го отповикала заемот од 1,2 милијарди долари поради обвинувања за корупција.[10] Во јуни 2014 г. владата на Бангладеш продолжила со работите без заемот и најмила кинеско претпријатие да го изгради главниот потег на мостот долг 6,15 км. Во октомври 2014 г. најмена е јужнокорејска фирма за надгледување на изградбата, со цел проектот да биде завршен до 2018 г.[11] Последниот (41-ви) потег на мостот е поставен на 10 декември 2020 г..[12][13] Последниот коловозен дел е поставен на 24 август 2021 г..[14][15]
Во 2009 г. владата имала намера да изгради и железнички пруги на обете страни на Падма, кои би биле поврзани со новиот мост.[16]
Понатаму спротиводно реката ја преминуваат и мостовите „Лалон Шах“ и Хардинговиот мост.
Поврзано
уредиНаводи
уреди- ↑ 1,0 1,1 Allison, Mead A. (лето 1998). „Geologic Framework and Environmental Status of the Ganges-Brahmaputra Delta“. Journal of Coastal Research. Coastal Education & Research Foundation, Inc. 13 (3): 826–836. JSTOR 4298836.
- ↑ Hossain ML, Mahmud J, Islam J, Khokon ZH and Islam S (eds.) (2005) Padma, Tatthyakosh Vol. 1 and 2, Dhaka, Bangladesh, p. 182.
- ↑ „Over 66,000 hectares lost to Padma since 1967: NASA report“. The Daily Star. Посетено на 14 септември 2018.
- ↑ Williams, George M. (2008). Handbook of Hindu Mythology. Oxford University Press. стр. 198. ISBN 978-0-19-533261-2.
- ↑ „The Padma River“. 22 ноември 2011. Посетено на 11 февруари 2018.
- ↑ „Ganga-Padma erosion poses security concerns in Bengal“. 19 август 2013. Посетено на 11 февруари 2018.
- ↑ „River Bank Erosion Induced Human Displacement and Its Consequences – Impact of Ganges River Bank Erosion“. Tuhin K. Das, Sushil K. Haldar, Ivy Das Gupta and Sayanti Sen. Living Reviews in Landscape Research. Посетено на 5 септември 2017.
- ↑ Islam, Nazrul (29 април – 5 мај 2006). „IRLP or the Ecological Approach to Rivers?“. Economic and Political Weekly. 41 (17): 1693–1702. JSTOR 4418148.
- ↑ „Grand preparations made for Padma Bridge inauguration“. The Daily Star. 24 јуни 2022. Посетено на 24 јуни 2022.
- ↑ World Bank Group (29 јуни 2012). "World Bank Statement on Padma Bridge". Соопштение за печат.
- ↑ Kallol, Assif Showkat (14 октомври 2014). „Korean Firm Gets Padma Bridge Construction Supervision Job“. Dhaka Tribune. Посетено на 16 октомври 2014.
- ↑ „Last span of Padma Multipurpose Bridge installed“. The Daily Star (англиски). 10 декември 2020. Посетено на 10 декември 2020.
- ↑ „Last span of Padma Multipurpose Bridge installed“. Daily Sun (англиски). Посетено на 10 декември 2020.
- ↑ „It's possible to walk across the Padma now“. The Daily Star (англиски). 24 август 2021.
- ↑ „Padma Bridge likely to open to traffic by June 2022“. Dhaka Tribune. Посетено на 22 декември 2020.
- ↑ „Plan to Lay 80 km Rail Line on Both Sides of Padma Bridge“. The Daily Star. BSS. 15 август 2009. Архивирано од изворникот на 2014-10-18. Посетено на 2025-01-22.
