Света Марина
Светата маченичка Марина (кај народот позната како Огнена Марија) е ранохристијанска светица. Меѓу католиците е позната како Света Маргарита.
| Света маченичка Марина | |
|---|---|
 | |
| Маченичка | |
| Роден(а) | 289, Антиохија, Писидија |
| Починал(а) | 304 (15 г.) |
| Слава | 17 јули (стар стил) 30 јули (нов стил) |
| Потиснат католички култ | 1969[1] |
Живот
уреди
Света Марина е родена во Антиохија, Писидиска, од родители незнабожци. Дури во својата дванаесетта година слушнала за Господ Исус Христос, дека се воплоти од Пречистата Дева, дека изврши многу чуда, прими крсна смрт и славно воскресна. Таа се заветувала дека никогаш нема да се мажи и со сета душа сакала да пострада за Христа, да се крсти со крв на мачеништво. Татко ѝ ја замразил заради нејзината вера и не ја сметал за ќерка.
Кога царскиот намесник Олимвриј дознал дека е христијанка, побарал од неа да му биде жена, а кога го одбила ѝ наредил да им се поклони на идолите, при што таа повторно одбила. Тогаш Олимвриј ја подложил на маки и ја фрлил в затвор.
Во затворот ѝ се јавил најпрво ѓаволот како страшна змија и ѝ се намоткал околу главата. Но, штом светителката се прекрстила, змијата се распукнала и исчезнала. Другиот ден безумниот судија ја мачел во оган и во вода, но Марина сè претрпела. Најпосле била осудена на смрт со меч.
Наводи
уреди- ↑ Mary Clayton; Hugh Magennis (15 September 1994). The Old English Lives of St. Margaret. Cambridge University Press. стр. 3. ISBN 978-0-521-43382-2.