ОУ „Јохан Хајнрих Песталоци“ - Центар

основно училиште во Скопје

„Јохан Хајнрих Песталоци“основно училиште во Буњаковец, Скопје. Именувано е во чест на швајцарскиот педагог и образовен реформатор Јохан Хајнрих Песталоци. Пред земјотресот, училиштето го носело името „Петар Петровиќ Његош“.

Јохан Хајнрих Песталоци

Место
Општина: Центар
Наречено по: Јохан Хајнрих Песталоци
Петар Петровиќ Његош (порано)
Нас. место: Буњаковец
Адреса: ул. „Апостол Гусларов“ бр. 3
Местоположба

Карта

Основни информации
Директор: Катерина Атанасова
Настава на: македонски
Контактни информации
Мреж. место https://www.ooupestaloci.edu.mk/
Е-пошта info@ooupestaloci.edu.mk
Зграда на ОУ „Јохан Хајнрих Песталоци“
Карта
Општи податоци
Координати41°6′51.81″N 20°47′47.98″E / 41.1143917° СГШ; 20.7966611° ИГД / 41.1143917; 20.7966611
Почната1964 (проектирање), 1966 (изградба)
Завршена1969
Пуштена во употреба12 јануари 1969; пред 55 години (1969-01-12)
НарачателВлада на Швајцарија (донација)
Технички податоци
Катови3
Проектирање и изградба
АрхитектАлфред Рот
Главен изведувачГрадежно претпријатие „Бетон“ - Скопје

Историја уреди

Првичното име на училиште било „Петар Петровиќ Његош“. За време на земјотресот на 26 јули 1963 година, училишната зграда претрпела значителни оштетувања. Последователно, Владата на Швајцарија одлучила да собере средства со цел да ги искористи за изградба на училишна зграда. Град Скопје требал да ја одреди местоположбата, а фондот за реконструкција ги презел сите средства приложени од швајцарската донација. Пролетта 1964 година, швајцарската влада му ја доверила изработката на училиштето на архитектот Алфред Рот, професор на Техничкиот факултет во Цирих, архитект кој долги години од својата кариера се занимавал со прашањето на современото образование и училишните градби. Во почетокот на јули 1964 година, започнувале првите договори со преставниците на Собранието на Град Скопје за предложената програма во однос на новата градежна конструкција за асеизмичкото градење (на инженерот К. Хубахер), која во моментот на градење бил пионерски зафат во областа на градежништвото во светски рамки. На 5 септември 1966 година, бил потпишан договор за изградба на училиштето, а 1967 година започнало градењето во соработка на швајцарските проектанти со градежната оператива на Г.П. „Бетон“, Скопје. По две години изградба, на 12 јануари 1969 година, на роденденот на швајцарскиот педагог Јохан Хајнрих Песталоци чие име го носи училиштето, истото е свечено пуштено во употреба и ги отворило вратите за првите ученици по земјотресот.[1]

Најголемиот зенит, кога се работи за бројка на ученици, бил во периодот 1978-1988 кога училиштето работело во три смени со околу 1500 ученици.[1]

Во 2018 година, училиштето имало околу 900 ученици.[1]

Директори уреди

  • Катерина Атанасова[2]

Освоени награди уреди

Познати личности кои учеле во ова училиште уреди

  • Љубомир Фрчковски, Миленко Неделковски, Перо Антиќ, Дејан Лилиќ.[се бара извор]

Познати личности кои предавале во ова училиште уреди

Наставници кои предаваат во ова училиште: Снежана Велкова, Трендафилка Тутновска, Јелена Марковска, Благородна Наумоска, Васил Чочов, Билјана Чешларова, Марика Попоска, Спаска Слабева, Валентина Зорчец, Билјана Стојаноска, Славица Божиновска, Даниела Нацев,Славица Алексова, Влатко Трошански, Mилица Милошевиќ, Стојанка Велјановска, Добрила Петковић, Милица Доревска, Петко Цанев, Александар Чавкаровски, Верица Неделковска Зорица Патарова Поп Илиев, Ѓорѓи Шапрданов.[се бара извор]

Наводи уреди

  1. 1,0 1,1 1,2 Антонио Грујевски (16 септември 2018). „О.У. „Јохан Хајнрих Песталоци" / Алфред Рот“. marh.mk. Архивирано од изворникот на 21 септември 2018. Посетено на 11 мај 2024.
  2. „О.У. „Јохан Хајнрих Песталоци" / Алфред Рот“. ОУ „Јохан Хајнрих Песталоци“. 3 февруари 2020. Архивирано од изворникот на 24 октомври 2021. Посетено на 11 мај 2024.

Дополнителна книжевност уреди

Надворешни врски уреди

Матична страница