Никола Живковиќ (Хаџи-Неимар)

Никола Живковиќ (Хаџи-Неимар) (Воден, 1792 - Белград, 1870) — првиот архитект во обновената Србија на кнезот Милош Обреновиќ.

Никола Живковиќ
Роден	1792 Воден, Османлиско Царство
Починал	1870 Белград
Познат	Конакот на кнегињата Љубица Конакот на кнезот Милош во Топчидер
Занимање	архитект

Роден во Воден во 1792 година, тој најверојатно се школувал во Солун или Атина, каде што имал роднини. Не се знае дали имал високо образование. Не се знае кога се преселил во Србија. Неговата сопруга Костадинка Каркаљер беше од Магарево. Имал четири ќерки и еден син.

Изградил многу државни објекти по налог на кнезот Милош. По прогонството на кнезот Милош во 1839 година и Живковиќ ја напуштил Србија. За време на втората влада на кнезот Милош (1858 - 1860), тој се вратил во Србија и станал „надзорник на владините згради“ во Генералната управа за градби во Белград. Тој останал на оваа позиција до својата смрт во 1870 година.

Поважни згради што ги изградил во Белград

Конакот на кнегињата Љубица изградена од 1829 до 1831 година

• Конакот на кнегињата Љубица
• Конакот на кнезот Милош во Топчидер
• Ѓумруканата на савското пристаниште (стара царинарница урната во 1944 година)
• Црквата Свети Марко на булеварот Крал Александар - поранешен Булевар на револуција (урнат во 1942 година, по бомбардирањето)
• Големата касарна во улицата Кнежа Милоша бр. 31 (адаптирана за зградата на Народното собрание во 1926 година )

Првите градби (конаци) ги градел во балкански стил на 18 век, а во подоцнежниот период користел помали елементи од тогашната актуелна централноевропска архитектура.

Литература

• Текст инж. Бранислава Којића у Енциклопедији Југославије 8 „Србија-Ж“, Загреб, 1971, 647;
• Никола Б. Несторовић, „Грађевине и архитекти у Београду прошлог столећа“, Београд, 1937;
• Бранислав Ђ. Којић, „Стара градска и сеоска архитектура у Србији“, Београд, 1949.
• Како је Београд од паланке постао велики град („Политика“, 17. април 1937)