Наташа Брезовска-Богоевска
Наташа Брезовска-Богоевска е македонска писателка за деца и возрасни која работи и твори во Велес, Македонија.
| Наташа Брезовска-Богоевска | |
|---|---|
 Наташа Брезовска во библиотека Велес 2024 година | |
| Роден(а) | 20 декември 1971 година Гостивар |
| Националност | македонка |
| Образование | Филолошки факултет „Блаже Конески“, Скопје |
Животопис
уредиНаташа Брезовска-Богоевска е родена 20 декември 1971 година во Гостивар. Основно училиште завршила во родното место, а средно училиште завршила во СУГС „Јосип Броз Тито“ , Скопје.[1] Дипломира Македонска книжевност и јужнословенски книжевности со македонски јазик на Филолошки факултет „Блаже Конески“, Скопје. Богоевска од 1996 година живее и работи во Велес.
Две децении работела како наставник во ООУ „Стојан Бурчевски Буридан“ село Иванковци во близина на Велес. Во 2021 година се вработила во Локалната библиотека „Гоце Делчев“ во Велес.[2]
Била претседател на Друштвото на македонски јазик и литература на град Велес.
Како библиотекар е носител и реализатор на проекти[3] од Библиотеката и Министерството за култура. Активно учествува со свои излагања на меѓународни конференции.
Творештво
уредиБогоевска е автор на песни и раскази за деца, млади и возрасни, објавени во заеднички збирки и антологии. Автор на прилози објавени во Просветен работник и Колибри. Соработник е со детските списанија „Другарче“ и „Росица“, каде објавува свои раскази. Нејзините раскази се наградувани на државно и меѓународно ниво. Дел од книгите се преведени на англиски јазик.
Наташа Брезовска-Богоевска е автор на следниве книги:
- „Детства“[4] – раскази за деца и млади, 2020
- „Авантурите на желчето Тео“[5] - сликовница, 2020 (Добитник на награда за најдобра книга - сликовница на Денови на македонската литература за деца 2020)[6]
- „Приказна за две деца“[7]- раскази за деца, 2023
- „Нишки до срцата“[8] - раскази за возрасни, 2023 (промовирана на Саемот на книга)
- „Шумски приказни“ - книга-сликовница, 2023
Застапена е со свои песни или раскази во заеднички изданијаː
- „Литературни искри“ 2017, 2020,2024
- „Симфонија на срцето 4“, 2020
- „Карантински приказни“, 2020 (електронско издание)
- „Различни светови“ антологија, 2023
- „Детски соништа“ антологија, 2023
- „Стихувалки“- 2019, 2022, 2023, 2024
Наводи
уреди- ↑ „СУГС Гимназија "Јосип Броз Тито"“. 2024-08-29. Посетено на 2024-12-01.
- ↑ „Почетна“. Библиотека Гоце Делчев (англиски). Посетено на 2024-12-01.
- ↑ „Локалната библиотека „Гоце Делчев" го одбележа Светскиот ден на литературата за деца - BATALI.net“. 2022-04-02. Посетено на 2024-12-01.
- ↑ „Промовирана книгата раскази „Детства" на Наташа Брезовска-Богоевска“. Daily.MK - Вести. Посетено на 2024-12-01.
- ↑ „Книги“. literatura.mk. Посетено на 2024-12-01.
- ↑ Kjamilov, Andrej (2020-11-11). „ПРОМОВИРАНА КНИГАТА РАСКАЗИ „ДЕТСТВА" НА ПОЕТЕСАТА НАТАША БРЕЗОВСКА БОГОЕВСКА“. Општина Велес. Посетено на 2024-12-01.
- ↑ admin (2023-04-12). „Промовирана книгата „Приказна за две деца" од Наташа Брезовска-Богоевска“. Библиотека Гоце Делчев (англиски). Посетено на 2024-12-04.
- ↑ „Промовирана книгата со раскази „Нишки до срцата" од Наташа Брезовска - Богоевска - BATALI.net“. 2023-05-26. Посетено на 2024-12-01.