Насмевката на Мона Лиза

Насмевката на Мона Лиза (англиски: Mona Lisa Smile) - американски филм, во режија на Мајкл Њуел. Главните улоги во филмот ги толкуваат: Џулија Робертс, Кирстен Данст, Џулија Стајлс, Меги Гиленхал и Доминик Вест.

Содржина

Во 1953 година, младата и бунтовна Кетрин Вотсон доаѓа од Калифорнија на престижниот колеџ Велесли за да предава историја на уметноста. Од своите студентки, кои се најзгодни и најпаметни на светот, таа очекува многу, но наскоро сфаќа дека се наоѓа во средина којашто се задушува во строгите малограѓански норми.