Момче (роман)

Момче (руски: Подросток) - роман на рускиот писател Фјодор Достоевски од 1875 година.

Првото одделно издание на романот на Ф. Достоевски „Момче“

Настанување на романот

Достоевски ја почнал работата на „Момче“ во 1874 година. За разлика од неколку претходни дела на Достоевски, романот „Момче“ првобитно не бил објавен во „Руски весник“, туку во „Татковински записи“ чии уредници биле писателите Некрасов и Салтиков-Шчедрин. во тоа време, Достоевски се смирил со своите поранешни противници (особено со Некрасов), така што, иако редакцијата на списанието делумно се оградила од романот, особено од еден негов дел, сепак се согласила да го објави.