Манастир „Пресв. Богородица Мавровска“

Пресвета Богородица Мавровска или Мавриотица (грчки: Παναγία Μαυριώτισσα, Панагија Мавриотиса или Μεσονησιώτισσα, Месонисиотиса) — православен манастир кај Костур, Егејска Македонија. Ова е поранешен Македонски манастир, изграден во времето на Охридската архиепископија, кој денес ѝ припаѓа на Костурската епархија на Цариградската патријаршија.

Пресвета Богородица Мавровска

Поглед на манастирот
Информации
Други имиња	Мавротица
Основан	X век
Матична црква	Цариградска патријаршија
Епархија	Костурска
Место
Место	Костур

Географија

Манастирот е сместен 3 км источно до градот Костур, на крајот на Костурскиот Полуостров. Преку Костурското Езеро се наоѓа селото Маврово, по кое е наречен.

Историја

Црквата е изградена во X век, а живописот во неа е насликан во XIII. Се верува дека е изградена од царот Алексиј I Комнин (влад. 1081-1118) на местото каде војсководецот Георги Палеолог ги заобиколил и поразил Норманите, кои нападнале во 1083 г.

Манастирот најпрвин се нарекувал Средоостровски. На почетокот на XVII век е преименуван во „Крпенички“ (т.е. „Богородица Крпеничка“) по блиското село Крпени. а некаде од средината до крајот на истиот век го добил денешното име, по селото Маврово на спротивниот брег.

Особено забележителна е сцената „Страшниот суд“. Резбаната влезна врата исто така е од X век.

Литература

• Γούναρης, Γεώργιος Γ. Η Παναγία Μαυριώτισσα της Καστοριάς, Θεσσαλονίκη, 1993.

Галерија

• 

  Фреска во нартексот

• 

  Влез во црквата

• 

  Богородица на фреска

• 

  Сцени од житието на Богородица

• 

  Свети Сисој в параклисаот „Свети Јован Богослов“ (1552)

Надворешни врски

• „Манастир „Богородица Мавровска" - Костур“. Манстири на Грција. (грчки)