Магурска Пештера
Магурска Пештера или Магурата (од 1942 до 24 октомври 1972 година позната како Рабишка Пештера) – пештера која се наоѓа во северозападниот дел на Бугарија, во близина на селото Рабиша, 25 км од градот Белоградчик во Видинската Област. Површината на пештерата изнесува 82,5 хектари, а просечната годишна температура е 12 °C.
| Пещера Магурата | |
 Пештерски цртежи во Магурската Пештера | |
| Место | во близина на селото Рабиша, Белоградчик |
|---|---|
| Област | Видинска Област, Бугарија |
| Координати | 43°43′40″N 22°34′58″E / 43.72778° СГШ; 22.58278° ИГД |
Цртежите во Магурската Пештера се многу слични со цртежите во Мечкината Пештера во Италија и тие цртежи се сметаат за најзначајни уметнички дела на европскиот доцен палеолитски период.[1]
Туристичките посети на пештерата ги организираат вработените во општината Белоградчик, а до 2012 година со пештерата раководел Министерски совет на Република Бугарија. Во 1984 година пештерата влегла во пробниот список на Светското наследство на УНЕСКО.[2]
Опис
уредиСе проценува дека пештерата е стара 15 милиони години, а нејзината должина изнесува 2,5 км.[3] Влажноста на воздухот достига и 80%, просечната годишна температура на пештерата е 12 °C, освен една просторија во која температура е секогаш 15 °C. Пештерата е формирана на варовничкиот рид Рабиш, на надморска висина од 461 м.[4] Главниот дел на пештерата е поделен во шест комори со различна големина. Најголемата е наречена Арк, нејзината должина е 128 м, ширината 58 м, додека висината е 21 метар. Во оваа пространа хала се одржуваат музички концерти при прославите на Божик и Велигден. На 3 мај 1960 година, пештерата е прогласена за споменик на природата.
Фауна
уредиВо пештерата се пронајдени коски на различни предисториски видови како што се пештерска мечка, пештерска хиена, лисица, волк, дива мачка и видра. Денес, жители на пештерата се скокачи (латински: Collembola), како и осум видови лилјаци: Rhinolophus ferrumequinum, Rhinolophus hipposideros, Rhinolophus euryal, шилестоушест ноќник, голем глувчоушест ноќник, мал глувчоушест ноќник, долгопрст ноќник и долгоушест ноќник.
Пештерски цртежи
уредиЦртежите претставуваат важни случки на жителите на пештерата Магура: врски церемонии, ловечки сцени и прикази на божества кои се единствена на Балканскиот Полуостров. Цртежите на танци и лов се меѓу најзначајните во пештерата.[5] Во Магура се идентификувани повеќе од 750 слики,[6] кои се поделени во четири тематски групи: антропоморфни, зооморфни, геометриски и симболични.[7][8]
Заради зачувување просторот со цртежите е заграден.[9] Пред 1993 година пештерата не била заштитена и влезот бил бесплатен. Од тие причини, некои од цртежите се оштетени. Пештерата сега е отворена за јавноста во текот на цела година, но цртежите може да се видат само со присуство на туристички водич и плаќање надомест.
Галерија
уреди-
Пештерски цртеж кој претставува календар -
Цртеж на кој е претставен лов на дивеч -
Цртеж на пештерска мечка -
-
Туристичка обиколка
.jpg)
.jpg)
Наводи
уреди- ↑ „Bulgarian rock art: the Magura Cave paintings“. TRACCE Online Rock Art Bulletin. 19 ноември 2014.
- ↑ „The Magoura Cave with drawings from the bronze age“. UNESCO World Heritage Centre.
- ↑ Kassabova, Kapka (2008). Bulgaria. New Holland. стр. 115. ISBN 978-1-84537-564-5.
- ↑ Magura Cave. UnicArt Bulgaria. 2014. стр. 1.
- ↑ Stoev, Alexey; Maglova, Penka (2014). „Astronomy in the Bulgarian Neolithic“. Во Ruggles, Clive L. N. (уред.). The Handbook of Archaeoastronomy and Ethnoastronomy. New York: Springer. стр. 1377–1384. ISBN 978-1-4614-6140-1.
- ↑ Bahn, Paul G. (1998). The Cambridge Illustrated History of Prehistoric Art (1. publ.. изд.). Cambridge: Cambridge Univ. Press. стр. 108–109. ISBN 978-0-521-45473-5.
- ↑ Arcà, Andrea (19 ноември 2014). „Bulgarian rock art: the Magura Cave paintings“. TRACCE Online Rock Art Bulletin.
- ↑ „An excerpt of my Magura cave paintings study - The origin of the force“. kikowsky_eng. 1 ноември 2011. Проверете ги датумските вредности во:
|date=(help) - ↑ „Bulgaria Magura Cave Paintings Exhibited for First Time“. Novinite.com. 18 март 2009.
Литература
уреди- Kassabova, Kapka (2008). Bulgaria. New Holland. стр. 115. ISBN 978-1-84537-564-5.
Надворешни врски
уреди| „Магурска Пештера“ на Ризницата ? |
- Пештерата Магура на семрежното место на bulgariatravel.org Архивирано на 12 мај 2012 г.