Лот (департман)

Лот
Лот; Lot
	департмани
	Управата на лот во Каор
	Грб
	Грб
	; Местоположба на Лот во Франција
Земја	Франција
Регион	Окситанија
Префектура	Каор
Потпрефектури	Фижак; Гурдон
Управа
• Прет. на Ген. совет	Жерар Микел
Површина
• Вкупна	5.217 км2 (2,014 ми2)
Население (2013)
• Вкупно	173.758
• Ранг	92.
• Густина	33/км2 (86/ми2)
Час. појас	CET (UTC+1)
• Лето (ЛСВ)	CEST (UTC+2)
Департ. бр.	46
Окрузи	3
Кантони	17
Општини	322
	^1 Катастарски податоци, каде не се вброени устија, езера, бари, и ледници поголеми од 1 км2

Лот (француски: Lot, окситански: Òlt) — департман во регионот Окситанија, југозападна Франција. Наречен е по реката Лот.

Историја

Ова е еден од првобитните 83 департмани создадени со Француската револуција на 4 март 1790 г. и произлезен е од дотогашната покраина Керси. Во 1808 г. од него се одвоени некои југоисточни кантони, и од нив е создаден департманот Тарн и Гарона. Првично кантонот сепротегал многу појужно и го опфаќал градот Монтобан.

Географија

Департманот се наоѓа во регионот Окситанија и обиколен од департманите Корез, Кантал, Аверон, Тарн и Гарона, Лот и Гарона и Дордоња.

Општини

Лот опфаќа вкупно 322 општини. Еве некои позначајни населени места:

Каор — префектура (седиште) на департманот; ова е средновековен град познат по својата катедрала, средновековниот мост „Валантре“ и производството на вино. Сместен е на широк полукружен свиок на реката Лот.
Фижак — средновековен град и потпрефектура на департманот; родно место на Жан Франсоа Шамполион (1790-1832), прв преведувач на египетските хиероглифи.
Гурдон — добро зачуван средновековен ридски град. Во близината има бројни праисториски пештерски живописи, особено оние на Куњак. Гурдон исто така е потпрефектура на департманот.

Туризам

Каор
Мостот „Валантре“
Рокамадур
Реката Лот

Поврзано

Надворешни врски

Управен портал на Лот Архивирано на 18 јули 2009 г. (француски)
Генерален совет на Лот (француски)
Планинарско-пешачки тури во Лот (англиски)

1