Ладислав III (Унгарија)
Ладислав III (унгарски: III. László, Словачки и хрватски: Ladislav III, ~1200 – 7 мај 1205) бил крал на Унгарија и Хрватска помеѓу 1204 и 1205 година. Тој бил единственото дете на кралот Емерик. Ладислав бил крунисан за крал по наредба на неговиот болен татко, кој сакал да го обезбеди наследството на неговиот син. Додека кралот умирал, тој го направи својот брат, Андреј , регент за периодот на малолетништовото на Ладислав. Сепак, војводата Андреј ги игнорирал интересите на детето. Како резултат на тоа, мајката на Ладислав, Констанца од Арагон , побегнала во Австрија, земајќи го Ладислав со неа. Ладислав неочекувано починал во Виена .
| Ладислав III | |
|---|---|
 Слика на Ладислав од хрониките на Јанош Туроци | |
| Крал на Унгарија и Хрватска | |
| На престол | 1204–1205 |
| Крунисување | 26 август 1204 |
| Претходник | Емерик Унгарски |
| Наследник | Андреј II |
| Регент | Андреј |
| Роден(а) | околу 1200 |
| Починал(а) | 7 мај 1205 (на 4–5 г.) Виена, Војводство Австрија |
| Почивалиште | Базилика во Секешфехервар |
| Dynasty | Арпадовци |
| Татко | Емерик Унгарски |
| Мајка | Констанца од Арагон |
| Вероисповед | Римокатолик |
Почетокот (околу 1200-1204) уреди
Ладислав бил единственото познато дете на кралот Емерик и неговата сопруга, Констанца од Арагон.[1] Точниот датум на раѓањето на Ладислав не е познат, но веројатно е дека тој е роден околу 1200 години, според историчарите Ѓула Кристо и Ференц Мак.[1] Откако сериозно се разболел, кралот Емерик го наредил крунисувањето на Ладислав во обид да обезбеди добра иднина за неговиот син.[2] Јован, архиепископ Калоцки, го крунисал Ладислав на 26 август 1204 година.[3] [4] Емерик се помирил со својот помал брат, Андреј, кого го затворал.[5] Тој го ослободил Андреј и го направил регент за време додека Ладислав да стане полнолетен.[6]
Кралот Емерик се разболе со еден вид неизлечлива болест. Затоа, кога знаеше дека неговиот последен час се приближува, тој со брзање го ослободи од притвор својот помал брат и беше донесен пред него.Кога Андреј се појави пред царот, царот ја направи својата волја во негово присуство, му го довери старателството на својот син и администрацијата на царството додека Ладислав не порасне.
— Архиѓакон Томас: Историја на епископите на Салона и Сплит[7]
Наводи уреди
- ↑ 1,0 1,1 Kristó & Makk 1996, стр. 227, Appendix 4.
- ↑ Kristó & Makk 1996, стр. 227.
- ↑ Érszegi & Solymosi 1981, стр. 127.
- ↑ Bartl и др. 2002, стр. 30.
- ↑ Érszegi & Solymosi 1981, стр. 126–127.
- ↑ Engel 2001, стр. 89.
- ↑ Архиѓакон Томас од Сплит: Историја на епископите на Салона и Сплит (ch. 23.), p. 143.