Куков Леден Гребен
Куков Леден Гребен — леден гребен од околу 90 километри широчина, зафаќајќи длабока рецесија на крајбрежјето помеѓу Фрешфилдовиот ’Рт и Хадсоновиот ’Рт, источно од Дикиновиот Залив.
Овој залив бил откриен од страна на Истражувачката експедиција на САД во 1840 година, а Вилкс го нарекувал „Заливот на разочарувањето“. [1] Оваа вдлабнатина била наречена Куков Залив од страна на австралазиската антарктичка експедиција, 1911–14, под Даглас Мосон, кој ја именувал по Џозеф Кук, премиер на Австралија во 1914 година. Генеричкиот термин е изменет, бидејќи заливот е трајно исполнет со ледена полица.
Научниците кои ги проучуваат ефектите од глобалното затоплување предложиле дека навлегувањето на морската вода во областа може да дестабилизира значителен дел од ледената покривка на источниот Антарктик. [2]
Наводи уреди
- ↑ Stanton, William (1975). The Great United States Exploring Expedition. Berkeley: University of California Press. стр. 1171. ISBN 0520025571.
- ↑ Pearce, Fred (2007). With Speed and Violence: Why scientists fear tipping points in climate change. Beacon Press Books. ISBN 978-0-8070-8576-9.