Крал на Баварија

Крал на Баварија — титула што ја држеа наследните владетели на Вителсбах во Кралство Баварија од 1805 до 1918 година, кога кралството беше укинато. Тоа беше второто кралство во Баварија, речиси илјада години по краткотрајното каролиншко кралство Баварија.

Крал на Баварија
Поранешна монархија
Кралски грб
Прв владетел	Максимилијан I
Последен владетел	Лудвиг III
Звање	Неговото Височество
Прогласил	Наследно
Монархијата започнала	1806
Монархијата завршила	1918
Сегашни претенденти	Франц, војвода од Баварија

Историја

Круна на Баварија

Според условите на Мирот во Пресбург склучен на 26 декември 1805 година помеѓу Наполеонска ја и светиот римски цар Франц II, неколку кнежевства сојузнички со Наполеон, беа издигнати во кралства. Еден од најсилните од нив беше изборниот кнез на Баварија, Максимилијан IV Јосиф, и на 1 јануари 1806 година, тој формално ја презеде титулата крал Максимилијан I Јосиф од Баварија. Тој беше член на фамилијата Вителсбах, поточно на огранокот Пфалц-Биркенфелд-Цвајбрикен.

Наследниците на Максимилијан се спротивставија на германскиот национализам, а Баварија стана заштитничка на помалите држави чии водачи се чувствуваа загрозени од Прусија или Австрија во Германскиот Сојуз. Верските врски и горниот германски дијалект ја поврзуваа државата повеќе со Австрија до нивниот пораз во Австро-пруската војна. Кралот Лудвиг II потпиша сојуз со Прусија на 22 август 1866 година, со што практично се откажа од независноста на Баварија.

Со договорот од 23 ноември 1870 година, Баварија беше интегрирана во новата Германска Империја, но имаше релативно голем степен на автономија. Кралевите на Баварија ги одржуваа своите титули и одржуваа одделен дипломатски и воен кор. Кога Германската Империја беше укината во ноември 1918 година по завршувањето на Првата светска војна, последниот крал на Баварија, Лудвиг III, беше соборен од власт.

Кралеви на Баварија

• Максимилијан I Јосиф 1805–1825
• Лудвиг I 1825-1848 година (п. 1868)
• Максимилијан II 1848-1864
• Лудвиг II 1864-1886
• Ото 1886–1913 (п. 1916)
  • Принц Луитполд од Баварија, регент 1886-1912
  • Принц Лудвиг од Баварија, регент 1912-1913
• Лудвиг III 1913-1918

Слика	Име	Владеење	Забелешки
	Максимилијан I Јосиф Maximilian I Joseph (1756–1825)	1806-1825	Син на палатинскиот гроф Фридрих Михаел од Цвајбрикен. Далечен братучед на неговиот претходник Чарлс Теодор, тој бил грофот Палатин од Цвајбрикен од 1795 година. Во хаосот на војните на Француската револуција пропаднал античкиот конституиран поредок на Светото Римско Царство. Во текот на овие настани Баварија успеала да се здружи со Франција и Максимилијан IV Јосиф станал крал со името Максимилијан I на 1 јануари 1806 година.
	Лудвиг I Ludwig I (1786–1868)	1825-1848	Син на Максимилијан I. Абдицирал поради револуцијата од 1848 година.
	Максимилијан II Maximilian II (1811–1864)	1848-1864	Син на Лудвиг I.
	Лудвиг II Ludwig II (1845–1886)	1864-1886	Син на Максимилијан II. Тој бил прогласен за луд во 1886 година, а потоа бил сменет.
	Ото Otto (1848–1916)	1886-1913	Брат на Лудвиг II. Ото бил прогласен за луд за време на неговото владеење и функциите на монарх ги извршувале следните регенти: Принцот Луитполд од Баварија 1886-1912 година; Принцот Луј од Баварија 1912-1913 година.
	Луитполд Luitpold (1821–1912)	1886-1912	Син на Лудвиг I, брат на Максимилијан II, тој бил принцот регент на Баварија за кралот Ото.
	Лудвиг III Ludwig III (1845–1921)	1913-1918	Син на Луитполд. Регент принц на Баварија од 1912 до 1913 година. Тој бил прогласен за крал на Баварија во 1913 година, а тронот го загубил во 1918 година поради распадот на Германската Империја.