Корисник (компјутери)

Корисник — во компјутерството е лице кое користи компјутер или мрежна услуга. Корисниците на компјутерски системи и софтверски производи обично немаат техничка експертиза потребна за целосно разбирање како тие работат. Интензивните корисници употребуваат напредни карактеристики на програмите, иако не се нужно способни за компјутерско програмирање и системска администрација.[1] [2]

Во рамките на компјутерска програма или веб-страница, корисникот е често претставен со икона на некоја личност

Корисник често има корисничка сметка и е идентификуван во системот со корисничко име. Другите поими за корисничко име вклучуваат име за најава, име на екран, име на сметка, прекар.

Некои софтверски производи им обезбедуваат услуги на други системи и немаат директни крајни корисници.

Краен корисникУреди

Крајните корисници се крајните човечки корисници (исто така се нарекуваат оператори) на софтверски производ. Крајниот корисник се разликува од корисниците кои го поддржуваат или одржуваат производот, како што се системските оператори, администратори на податочни бази и компјутерски техничари. Терминот се користи за издвојување и разликување на оние кои само користат софтвер од развивачите на системот, кои го подобруваат софтверот за крајните корисници.[3] Во дизајнирањето сосредоточено на корисникот, овој поим го разликува операторот на софтвер од клиентот кој плаќа за неговиот развој и другите засегнати страни кои не можат директно да го користат софтверот, но помагаат во воспоставувањето на неговите барања.[4] [5] Ова издвојување е првенствено корисно при дизајнирање на корисничкиот интерфејс и се однесува на релевантно подмножество на карактеристики што ќе ги имаат заеднички повеќето очекувани корисници.

Во дизајнирањето сосредоточено на корисникот, персоните се креираат за да претставуваат типови на корисници. Понекогаш е одредено за секоја персона со кои типови кориснички интерфејси е удобно (поради претходното искуство или инхерентната едноставност на интерфејсот) и каква техничка експертиза и степен на знаење има во специфични области или дисциплини. Кога неколку категорични ограничувања се наметнуваат на категоријата крајни корисници, особено при дизајнирање на програми за употреба од пошироката јавност, вообичаена практика е да се очекува минимална техничка експертиза или претходна обука за крајни корисници.[6]

Дисциплината за развој на крајниот корисник ја замаглува типичната разлика помеѓу корисниците и програмерите. Назначува активности или техники во кои луѓето кои не се професионални развивачи создаваат автоматизирано однесување и комплексни објекти со податоци без значително познавање на програмски јазик.

Системите чиј учесник е друг систем или софтверски агент немаат директни крајни корисници.

Корисничка сметкаУреди

Сметката на корисникот му овозможува на корисникот автентикација на системот и потенцијално да добие овластување за пристап до ресурсите обезбедени од или поврзани со тој систем; сепак, автентикацијата не подразбира овластување. За да влезете во сметка, од корисникот обично се бара да се провери со лозинка или други ингеренции за целите на сметководство, безбедност, најавување и управување со ресурси.

Откако корисникот ќе се најави, оперативниот систем честопати ќе користи идентификатор како цел број за да се однесува на нив, наместо на нивното корисничко име, преку процес познат како корелација на идентитет. Во Уникс системите, корисничкото име е во корелација со кориснички идентификатор или кориснички ID.

Компјутерските системи работат во еден од двата видови засновани врз тоа какви корисници имаат:

  • Системите со еден корисник немаат концепт за неколку кориснички сметки.
  • Системите со повеќе корисници имаат таков концепт и бараат од корисниците да се идентификуваат пред да го користат системот.

Секоја корисничка сметка на повеќекориснички систем обично има домашен директориум, во кој може да се зачувуваат податотеки што се однесуваат исклучиво на активностите на тој корисник, што е заштитено од пристап од други корисници (иако системскиот администратор може да има пристап). Корисничките сметки често содржат јавен кориснички профил, кој содржи основни информации обезбедени од сопственикот на сметката. Податотеките зачувани во домашниот именик (и сите други именици во системот) имаат дозволи за податотечен систем што го проверува оперативниот систем за да утврди на кои корисници им е даден пристап да читаат или извршуваат податотека или да складираат нова податотека во тој именик.

Додека системите очекуваат повеќето кориснички сметки да ги користи само една личност, многу системи имаат посебна сметка наменета за секого да може да го користи системот, како што се корисничкото име „анонимно“ за анонимен FTP и корисничкото име „гостин“ за сметка на гостин.

Формат на корисничко имеУреди

Различни компјутерски оперативни системи и апликации очекуваат/спроведуваат различни правила за форматот.

На пример, во околината на Microsoft Windows, забележете ја можната употреба на:[7]

  • Формат на главното име на корисникот (UPN) - на пример: UserName@Example.com
  • Формат на име на најава за ниско ниво - на пример: DOMAIN\Корисничко име

ТерминологијаУреди

Некои професионалци се изразиле дека не им се допаѓа поимот „корисник“ и предложиле промена на истиот.[8] Дон Норман изјавил дека „Еден од ужасните зборови што ги користиме е „корисници “. Јас сум во крстоносна војна да се ослободам од зборот „корисници“. Повеќе би сакал да ги нарекувам „луѓе““.[9]

НаводиУреди

  1. „Power Users' Guide“. sap.com. Посетено на 2015-01-14.
  2. „Windows Confidential: Power to the Power User“. microsoft.com. 2012. Посетено на 2015-01-14.
  3. Ko, Andrew J.; Abraham, Robin; Beckwith, Laura; Blackwell, Alan; Burnett, Margaret; Erwig, Martin; Scaffidi, Chris; Lawrance, Joseph; Lieberman, Henry (April 2011). „The State of the Art in End-User Software Engineering“ (PDF). ACM Computing Surveys. 43 (3): 1–44. doi:10.1145/1922649.1922658.
  4. „Understanding Organizational Stakeholders for Design Success“ (англиски). 2004-05-06. Посетено на 2016-08-31.
  5. Rigsbee, Sarah, and William B. Fitzpatrick. "User-Centered Design: A Case Study on Its Application to the Tactical Tomahawk Weapons Control System."Johns Hopkins APL Technical Digest 31.1 (2012): 76–82.
  6. „What is end user?“. Посетено на 7 ноември 2010.
  7. „User Name Formats“. MSDN. Developer technologies. Microsoft. Посетено на 2016-01-11. The down-level logon name format is used to specify a domain and a user account in that domain [...].
  8. Don Norman. „Words Matter. Talk About People: Not Customers, Not Consumers, Not Users“.
  9. „Don Norman at UX Week 2008 © Adaptive Path“. Посетено на 8 ноември 2010.