Отвори го главното мени

Кајангел или Нгчеангел (англиски и палауански: Kаyangel или Ngcheangel) е најсеверната сојузна држава на Палау. Државата се наоѓа на 24 километри северно од Корор, најнаселениот град во државата и поранешен главен град. Административен центар на оваа сојузна држава е истоименото село Кајангел.

Кајангел
Kayangel
сојузна држава
Знаме на Кајангел
Знаме
Местоположба на Кајангел во Палау
Местоположба на Кајангел во Палау
Држава Палау
Гл. градКајангел
Површина
 • Вкупна1,4 км2 (5 ми2)
Население (2000)
 • Вкупно138
 • Густина9.9/км2 (26/ми2)
ISO 3166PW-100
Атолот Кајангел.
Сателитска снимка на гребенот Веласко (север). гребенот Нгаруангел (центар) и атолот Кајангел (доле десно), како и на северниот дел на Бабелдуап

ГеографијаУреди

Сојузната држава Кајангел има вкупна површина од 1,4 километри квадратни и е составена од 3 атоли или гребени во различна состојба на развој. Според пописот од 2000 година, Кајангел имала население од само 138 жители.


а тол површина
(км2)
вкупно површина
(км2)
координати
Кајангел 1.39 21.6 08°04′N 134°42′E / 8.067° СГШ; 134.700° ИГД / 8.067; 134.700
Нгаруангел 0.02 20.1 08°10′N 134°38′E / 8.167° СГШ; 134.633° ИГД / 8.167; 134.633
Веласко 0 330 08°20′29″N 134°36′45″E / 8.34139° СГШ; 134.61250° ИГД / 8.34139; 134.61250
Кајангел 1.40 372  

АтолиУреди

Атол КајангелУреди

  Главна статија: „Кајенгел (атол).

Атолот Кајангел или локално имениван како Нгчеангел е единствен населен атол во оваа сојузна држава. Исто така, овој атол сочинува 99% од копното на сојузната држава. Атолот е со координати 08°04′N 134°42′E / 8.067° СГШ; 134.700° ИГД / 8.067; 134.700, и е на околу 35 километри северно од Бабелдуап, главниот остров на Палау, но само 3 км од гребенот на островот. Атолот е долг 7.2 километри долг во правец север-југ, и широк е 3,.7 километри во правец запад-исток. Заедно со неговата лагуна, атолот има вкупна површина од 20 километри квадратни, а само копното изнесува 1.4 километри квадратни. Просечната длабочина на лагуната е 6 метри, а најдлабоката точка е 9.6 метри. Дното на лагуната е во принцип песочно. На западната страна на атолот има премин каде влегуваат бродови во лагуната, а длабочина од 2 до 4 метри. Во близината на преминот има големи риби, делфини и желки, но во самата лагуна животинскиот свет е помал. Атолот има овална форма и има четири мали островчиња кои се густо пошумени, и од север кон југ тие се: Кајангел, Нгериунгс, Нгеребелас и Орак.

Гребен НгаруангелУреди

  Главна статија: „Нгаруангел (гребен).

Гребенот Нгаруангел со координати 08°10′N 134°38′E / 8.167° СГШ; 134.633° ИГД / 8.167; 134.633 е атол кој се наоѓа на 8.7 километри северозападно до атолот Кајенгел. Атолите се одвоени од преминот Нгаруангл, длабок проток кој има длабочина од 629 до 786 метри. Атолот е долг 5.4 километри во правец север-југ, а широк 1.8 километри во северниот дел и 3.7 километри во јужниот дел. Вкупната површина на атолот заедно со лагуната е 15 километри квадратни. Лагуната е плитка со просечна длабочина од 6 метри. Во северниот дел на лагуната има премин за бродови. Дното на лагуната е песочно. На атолот има само еден ненаселен мал остров, островот Нгаруангел.

Гребен ВеласкоУреди

  Главна статија: „Веласко (гребен).

Гребенот Веласко е со координати 08°20′29″N 134°36′45″E / 8.34139° СГШ; 134.61250° ИГД / 8.34139; 134.61250 и тој е всушност потопен атол кој се наоѓа северно од гребенот Нгаруангл. Овој гребен не е јасно одделен од гребенот Нгаруангел и според сателитските снимки наликува како потопен продолжеток на атолот Нгеруангел. Во правец север-југ е дол околу 30 километри и има широчина од околу 14 километри. Гребенот има овална форма и има вкупна површина од 330 километри квадратни. Голем дел од гребенот не е мапиран. Средишната депресија, или лагуна, е со длабочина од 31 до 55 метри, а длабочината на рабовите на гребенот се од 11.9 до 22 метри.

ОбразованиеУреди

Образовните настани и центри во сојузната држава се под надлежност на Министерството за образование на Палау. Во Кајангел функционира основното училиште ЏФК Кајангел.[1] Порано функционирало и Основното училиште Нгарард.[2] Децата од оваа сојузна држава своето средно образование го продолжуваат во Корор каде се наоѓа единственото државно средно училиште.[3]

НаводиУреди

  1. "JFK Kayangel Elementary School." Ministry of Education (Palau). Retrieved on February 22, 2018.
  2. "Ngaraard Elementary School." Ministry of Education (Palau). Retrieved on February 22, 2018.
  3. "About." Palau High School. Retrieved on February 22, 2018.

ПоврзаноУреди

Надворешни врскиУреди