Каталог на ѕвезди-водилки

ѕвезден каталог

Каталог на ѕвезди-водилки (англиски: Guide Star Catalog или GSC) наречен и Основен каталог на вселенскиот телескоп „Хабл“ (Hubble Space Telescope, Guide Catalog HSTGC) — ѕвезден каталог составен според наодите на вселенскиот телескоп „Хабл“ со одредишта на ѕвезди вон оската. GSC-I содржи околу 20.000.000 ѕвезди со привидна величина од 6 до 15. а GSC-II опфаќа 945.592.683 ѕвезди со величина до 21. Колку што е можно се изземаат двојни ѕвезди и неѕвездени тела како неподобни за набљудувачкиот апарат „Сетилник за уточнето водење“[1]. Ова е првиот целосен ѕвезден каталог наменски предвиден за наведување и пловидба по вселенскиот простор.[2]

Формат на каталогот уреди

Секој запис во каталогот се наведува по форматот GSC FFFFF-NNNNN,[3] или GSCfffff0nnnnn (fffff0nnnnn). Низата со букви F се однесува на Хабловиот код на дадено небесно подрачје.

Каталог на ѕвезди-водилки II уреди

Во 2008 г. е издадено значајно проширување на каталогот, наречено „Каталог на ѕвезди-водилки II“ (Guide Star Catalog II или GSC-II). Составен е од одделението за каталогизација и попис на Институтот за вселенскиот телескоп (Space Telescope Science Institute). Содржи записи за 945.592.683 ѕвезди, со положби, класификации и величини на 455.851.237 од нив. Најновата преработка (2.3.2) е во активна употреба за уточнето насочување на вселенскиот телескоп „Хабл“.[4]

Поврзано уреди

Наводи уреди

  1. анг. Fine Guidance Sensor
  2. Lasker; и др. (June 1990). „The Guide Star Catalog. I - Astronomical foundations and image processing“. Astrophysical Journal. 99: 2019–2058, 2173–2178. Bibcode:1990AJ.....99.2019L. doi:10.1086/115483.
  3. „Dictionary of Nomenclature of Celestial Objects: Result of query: info cati GSC$“. Центар за астрономски податоци во Стразбур. Посетено на 2009-09-12.
  4. Lasker; и др. (August 2008). „The Second-Generation Guide Star Catalog: Description and Properties“. Astrophysical Journal. 136 (2): 735–766. arXiv:0807.2522. Bibcode:2008AJ....136..735L. doi:10.1088/0004-6256/136/2/735.

Надворешни врски уреди