Каса Вазари (Арецо)
Каса Вазари е зграда на улицата 20-ти Ноември во Арецо, Тоскана, Италија. Таа била дом на сликарот, историчар на уметност и архитект Џорџо Вазари. Во него се сместени голем број фрески, а од декември 2014 година, италијанското Министерство за култура отворило музеј, во кој се наоѓа Архивот Вазаријано.
Историја
уреди
Вазари ја купил куќата и парцелата на која се наоѓа со договор од 7 септември 1541 година[1] и почнал да ја украсува следната година. Во 1550 година се оженил со Николоза Бачи и заедно се преселиле во куќата. Тој живеел во куќата кратки периоди бидејќи бил зафатен во Фиренца. Се знае дека директно бил вклучен во декорирањето и завршувањето и првичната набавка на мебел (кој е подоцна изгубен). Го изработил и планот за фасадата која е завршена во 1568 година.[2]
Куќата е еден од најдобро сочуваните примери на манеристички стил во Тоскана. Населена е од наследниците на Вазари се до 1687 сè додека не изумреле во 1687 година, по што преминала во сопственост на Братството деи Лаици, потоа на семејството Брози, а потоа во 1871 година на семејството Пагличи кое го продало имотот на државата во 1911 година за да стане јавен музеј. Првично .биле изложени мебели од маниристички стил и некои дела од збирките на градот и Братството.[2] Во 1950-тите овие предмети биле отстранети и заменети со галерија од околу шеесет слики од соработниците на Вазари и современиците од галериските колекции во Фиренца, особено дела од „студио сликари“, со намера да се подигне музеј за маниристичкиот период.[3] За да се одбележи 500-годишнината од смртта на Вазари во 2011 година, галеријата била повторно прикажана и објектите за посетителите биле надградени.[4]
Наводи
уреди- ↑ (на италијански) Botti, Marco (7 February 2019). „Casa Vasari – Uno scrigno d'arte nel cuore della città“. Посетено на 18 February 2021.
- ↑ 2,0 2,1 (на италијански) Botti, Marco (25 January 2008). „La Casa Museo di Giorgio Vasari“. Посетено на 15 February 2021.
- ↑ (на италијански) „Arezzo - Museo di Casa Vasari“.
- ↑ (на италијански) Loffredo, Michele. „Il Museo Statale di Casa Vasari.Ad Arezzo una delle più alte espressioni della civiltà del Cinquecento“. Посетено на 19 February 2021.
Библиографија
уреди- (на италијански) Roberto Paolo Ciardi (ed.), Case di artisti in Toscana, Banca Toscana, 1998.
- (на италијански) Toscana. Guida d'Italia (Guida rossa), Touring Club Italiano, Milano 2003. ISBN 88-365-2767-1