Ханански јазици

Канански јазици или ханански јазици — јазична група која е дел од северозападните семитски јазици од големото семејство на семитски јазици. Овие јазици биле зборувани од древните семитски народи во Канан и Левант, региони во Блискиот Исток, поточно денешните територии на Израел, Јордан, Египет (Синајски Полуостров), Либан и Сирија.

Канански јазици
Географска распространетост:	Левант, Картагина
Класификација:	афроазиски семитски западносемитски централни северозападни канански јазици
Гранки:	феникиски (исчезнат) хебрејски: библиски хебрејски /моапски /амонитски /едомитски

Општата гледна точка е дека кананските јазици се зборувале од Израелитите, Феникијците, Амонитите, Моавите, Едомитите, Сутејците, Екронците и Амалеците. Кананските јазици престанале да се користат како секојдневни јазици на општење во 1 милениум п.н.е., но сепак хебрејскиот јазик останал да се користи од страна на Евреите во средновековието како литургиски јазик, но и како јазик на еврејската книжевност и трговија. Подоцна, кон крајот на 19 век и почетокот на 20 век, хебрејскиот јазик бил оживеан и станал прв, мајчин, јазик на Евреите во Палестина. Денес, тој е службен јазик на Израел, единствен жив канански јазик, и истиот го зборуваат над 9 милиони луѓе.

Оваа јазична група е значајна во јазичниот и историскиот круг поради тоа што е првата историски документирана јазична група која користела азбука за да го запишан усниот јазик. Исто така, оваа јазична група е една од најраните документирани во историјата.

Класификација

Кананските јазици (или дијалекти) се поделени на следниве подгрупи:

Северни

• феникиски јазик

Јужни

• хебрејски јазик, заедно со неговите дијалекти: библиски хебрејски, моапски, амонитски и едомитски

Останати

Во групата на канански јазици понекогаш се сместуваат и угаритскиот и екронскиот јазик.

Литература

• The Semitic Languages. Routledge Language Family Descriptions. Edited by Robert Hetzron. New York: Routledge, 1997.
• Garnier, Romain; Jacques, Guillaume (2012). „A neglected phonetic law: The assimilation of pretonic yod to a following coronal in North-West Semitic“. Bulletin of the School of Oriental and African Studies. 75.1: 135–145. doi:10.1017/s0041977x11001261.
• Rendsburg, Gary (1997). „Ancient Hebrew Phonology“. Phonologies of Asia and Africa: Including the Caucasus. Eisenbrauns. стр. 65. ISBN 978-1-57506-019-4.
• Waltke, Bruce K.; O'Connor, M. (1990). An Introduction to Biblical Hebrew Syntax. Winona Lake, Indiana: Eisenbrauns. ISBN 0-931464-31-5.

Поврзано

• Семитски јазици
• Хебрејски јазик
• Феникиски јазик

Надворешни врски

• Некои западносемитски натписи
• Како азбуката била родена од хиероглифите, Biblical Archaeology Review