Зост (округ)
Зост (германски: Kreis Soest) — округ во средишниот дел на сојузната покраина Северна Рајна-Вестфалија, Германија. Се граничи со окрузите Варендорф, Гитерсло, Падерборн, Горен Зауерланд, Марковскиот округ, Уна, како и со независниот град Хам. Седиште на округот е градот Зост.
Зост Kreis Soest | |||
---|---|---|---|
округ | |||
| |||
![]() | |||
Земја | ![]() | ||
Покраина | Северна Рајна-Вестфалија | ||
Адм. подр. | Арнсберг | ||
Седиште | Зост | ||
Површина | |||
• Вкупна | 1,327,47 км2 (0,51.254 ми2) | ||
Население (31 декември 2023)[1] | |||
• Вкупно | 306.674 | ||
• Густина | 230,000/км2 (600,000/ми2) | ||
Час. појас | CET (UTC+1) | ||
• Лето (ЛСВ) | CEST (UTC+2) | ||
Рег. таб. | SO | ||
Мреж. место | kreis-soest.de |

Историја
уредиВо средниот век Зост бил најголемиот град во Вестфалија. Меѓутоа, откако со борба се ослободил од власта на Келнските епископи во 1449 г. постепено почнал да го губи своето значење. Градот повторно добил на важност во 1816 г. кога новата пруска власт го создала округот. Во 1975 г. кон него бил припоен соседниот округ Липштат и делови од поранешниот округ Арнсберг.
Географија
уредиОкругот ги опфаќа ридските предели на областа Зауерланд и ниските делови северно од него, наречени Хелвег. Ниското земјиште има мошне плодна лесова почва, поради што подрачјето има развиено земјоделство уште од стари времиња. Главни реки кои течат низ округот се Рур, Липе и Мене, на које денес се наоѓа вештачкото Менско Езеро. Највисока точка е Варштајн (580 м), а најниска е долината на Липе (65 м).
Грб
уредиНа окружнот грб се претставени два симбола на Келнските епископи, во чија сопственост бил Зост сè до 1449 г. На левата половина е клучот на Свети Петар — заштитник на Келн; десно е црниот крст на Келн. По спојувањето на округот со Липштат врз крстот е ставена и розата — симбол на областа Липе. Оваа нова верзија на грбот е усвоена во 1976 г.
Градови и општини
уредиГрадови | Општини |
---|---|
Наводи
уреди- ↑ „Населеност на местата“. Статистичка служба на Северна Рајна-Вестфалија. 20 јуни 2024. (германски)
Надворешни врски
уреди- Зост (округ) на Ризницата ?
- Матична страница (германски) (англиски)