Златко Лечевски
Златко Лечевски (Скопје, 21 март 1954 – Скопје, 16 декември 2014) — македонски дипломат од кариера. Бил амбасадор на Македонија во Руската Федерација во периодот од 2006 до 2009 година.
| Златко Лечевски | ||
| Роден | 21 март 1954 Скопје, .svg){kind=small} СР Македонија
| |
|---|---|---|
| Починал | 16 декември 2014 Скопје,  Македонија | |
| Занимање | дипломат, амабасадор | |
Животопис уреди
Лечевски е роден на 21 март 1954 година во Скопје. Дипломирал Филозофија на Универзитетот „Св. Кирил и Методиј“, а во 1985 година ги завршил Постдипломските студии од социологија на културата. Работниот век го почнал како асистент на Факултетот за безбедност и наставник во Центарот за образование на кадри за безбедност. Работел во Министерството за надворешни работи на високи и одговорни функции, поминувајќи ги притоа сите скалила во хиерархијата на работењето на министерството. Својот ангажман во МНР го започнал во 1996 година како началник во Одделението за аналитика и информирање. Од 1997 година бил назначен за Помошник министер за анлитика и политичко планирање во МНР на Македонија, а периодот 2001-2006 бил Државен советник задолжен за аналитика и политичко планирање.
Лечевски во периодот од 2006 до 2009 година бил амбасадор во Руската Федерација и време на мандатот е одликуван во 2008, година од Патријархот на Руската православна црква, г. Алексиј Втори со високото признание орден „Обединетост“[1] и во 2009 година, повторно од Патријархот на Руската православна црква, но овој пат од г. Кирил со ореденот „Меѓународна премија на светитерамноапостолски браќа Кирил и Методиј“.[2] Починал во Скопје на 16 декември 2014 година.[3]