Долгоопашеста патка

Долгоопашеста патка
Мажјак
Научна класификација
Царство: Животни
Колено: Хордати
Класа: Птици
Ред: Гусковидни
Семејство: Патки
Потсемејство: Merginae
Род: Clangula
Leach, 1819
Вид: Долгоопашеста патка
Научен назив
Clangula hyemalis
(Linnaeus, 1758)
Синоними

Genus:
Harelda Species:
Harelda hyemalis

Долгоопашестата патка (Clangula hyemalis) е средноголема водна патка. Таа е единствен жив член која припаѓа на видот Clangula.[2] Ја има во Македонија.

Распространетост уреди

Распространета е во Европа, Азија и Северна Америка. Најчесто живее на планински езера и реки. Може да се сретнат сами, во пар или во мали јата по морските крајбрежја.

Опис уреди

 
Женка
 
Мајка и шест пајчиња
 
Clangula hyemalis

Долгоопашестата патка е тешка меѓу 0,5 и 1,1 килограми, долга е од 38 до 60 см, а распонот на крилјата е околу 75 см. Има полов, сезонски и возрасен диморфизам. Летно време, кај мажјакот, главата и вратот се црни, главата од страна е сива, а грбот и крилјата се кафени со црни линии. Одоздола е белузлав. Опашката му е долга 10-15 см. Преку зима, тој е речиси целосно бел, само вратот, опашката, мал дел од крилата и една точка под окото му се црни. Женката е кафена со релативно кратка остра опашка. Во зимскиот период, главата и вратот на женката се бели со темни дамки. Во летниот период, главата е темна. Младенчињата личат на возрасните женки со посветли пердуви и помалку впечатливи бели дамки. Огласувањето на мажјаците е музикално јодлување.

Живеалиште и исхрана уреди

Долгоопашестите патки живеат во тундра, планински езера и морски брегови. Гнездата ги градат близу до вода, на места обраснати со густи растенија. Тие се птици преселници, и за време на преселбата се собираат во големи јата. Најбројни се во областа на Балтичкото Море каде за презимување се собираат 4,5 милиони. Се хранат нуркајќи во потрага по мекотели, ракови и мали риби. Иако обично се хранат блиску до површината, тие се способни да нурнат до 60m длабочина.

Размножување уреди

Женката снесува 5-12 зеленикаво-кремасти јајца, големи 54 х 38 мм и со тежина околу 43 гр. Ги лежи само женката 24-29 дена. Малечките се испилуваат доволно развиени за да можат да се движат и хранат. Годишно одгледуваат само едно легло.

Статус уреди

Долгоопашестата патка е една од видовите на кои се применува Спогодбата за заштита на африканско-евроазиските миграторни водни птици.

Наводи уреди

  1. BirdLife International (2012). Clangula hyemalis. IUCN Red List. Version 2012.1. International Union for Conservation of Nature. Посетено на June 20, 2012.
  2. Gál, Erika; Hír, János; Kessler, Eugén; & Kókay, József (1998–1999). „Middle Miocene fossils from the sections at the Rákóczi chapel at Mátraszőlős. Locality Mátraszõlõs I.“ (PDF). Folia Historico Naturalia Musei Matraensis (унгарски). 23: 33–78.CS1-одржување: повеќе имиња: список на автори (link)
  • Svensson, Lars and Grant, Peter J. Collins Bird Guide. London: HarperCollins, 1999. 1st edition p. 64.
  • Kightley, Chris and Madge, Steve. Pocket Guide to the Birds of Britain and North-West Europe. Nr. Robertsbridge: Pica Press, 1998. p. 48.

Надворешни врски уреди