Отвори го главното мени

Добриот Вил Хантинг (англиски: Good Will Hunting) е американски филм, во режија на Гас ван Сант. Главните улоги ги толкуваат: Мет Дејмон, Робин Вилијамс, Мини Драјвер и Бен Афлек. Филмот е добитник на повеќе награди, меѓу кои и две награди „Оскар“.

„Добриот Вил Хантинг“
GoodWillHunting.jpg
РежисерГас Ван Сант
ПродуцентЛоренс Бендер
СценаристМет Дејмон
Бен Афлек
НастапуваатРобин Вилијамс
Мет Дејмон
Бен Афлек
Стелан Скарсгард
Мини Драјвер
МузикаДени Елфмен
КинематографијаЖан-Ив Ескофиер
МонтажаПјетро Скалиа
СтудиоBe Gentlemen
ДистрибутерMiramax Films
Премиерадекември 2 1997 (1997-12-02) (Бруин театар)
декември 5 1997 (1997-12-05) (САД)
Времетраење126 минути
Држава САД
Јазиканглиски
Буџет$10 милиони
Бруто заработка$225.9 милиони

СодржинаУреди

Вил Хантинг е бунтовно момче на возраст од 20 години со висок коефициент на интелигенција, кој наместо да студира, работи како домар на МИТ. Детството го поминал во дом за сираци и затоа страда од комплекс на пониска вредност. Кога професорот по математика, Ламбо, им задава задача на своите студенти, Вил ја решава анонимно, но набрзо професорот го открива неговиот идентитет и талент, му поставува услов: ако сака да го избегне затворот, Вил ќе мора да посетува часови по математика и по психологија за да го скроти бунтовниот темперамент. Неколку терепевти се обидуваат да го скротаат Вил, но тој ги исмејува и тие не успеваат. Ама потоа доаѓа еден терапевт, Шон Магуир, кој е добар пријател на Ламбо и е професор по психологија во еден факултет. За разлика од другите, Шон успева на некој начин да го скроти Вил и на тој начин тие постепено стануваат и добри пријатели. Шон, во една прилика, му кажува приказна за тоа како се запознал со неговата покојна сопруга и ова приказна го погодува Вил. Вил води врска со британска студентка Скајлар, но не ѝ открива за неговиот приватен живот. Ламбо се обидува да го вработи Вил, но Вил ги одбива сите работни позиции. Додека Скајлар му открива на Вил дека ќе оди во Калифорнија и дека сака и тој да дојди со неа, но тој за прв пат ѝ кажува за неговиот приватен живот и раскинува со неа. Вил исто така одлучува повеќе да не решава математички задачи за Ламбо. Ламбо и Шон се скаравуваат околу Вил и се обвинуваат. Вил дури и слушнува една од нивните расправии и потоа има една последна сесија со Шон. Шон го убедува Вил дека не е тој крив за неговиот бунтовен темперамент и дека треба да го следи својот сон. Шон набрзо се помирува со Ламбо и одлучува да оди на едно патување околу светот. Вил одлучува да замине за Калифорнија за повторно да се соедини со Скајлар со својот нов автомобил Чевролет Нова, кој му го подарија неговите пријатели за роденденот.[1] [2]

УлогиУреди

НаводиУреди

  1. „Трогателна приказна за едно неочекувано пријателство“, Антена, број 856, 21.11.2014, стр. 3.
  2. „Добриот Вил Хантинг“, Антена, број 873, 20.3.2015,стр. 15.