Дија

Дија
	Дија во Бжецлав, Моравија
Изворно име	Dyje, Thaya
Местоположба
Земји	Чешка, Австрија
Физички особености
Извор
• место	кај Паненска Росичка
• надм. вис.	410 м
Устие
• место	Морава
• координати	48°37′01″N 16°56′25″E / 48.6170° СГШ; 16.9402° ИГД
• надм. вис.	148 м
Должина	224 км
Големина на сливот	13 419 км2
Проток
• просечен	43,9 м3/с
Особености на сливот
Течение	Морава→ Дунав→ Црно Море

Дија (чешки: Dyje) или Таја (германски: Thaya) — река во Средна Европа, најдолга десна притока на Морава. Долга е вкупно 224 км,^[1] протегајќи се од запад кон исток на пограничното подрачје помеѓу Долна Австрија и Јужна Моравија (Чешка), иако границата на највеќето места не минува по самата река. Настанува од две помали реки, наречени Германска Дија (Deutsche Thaya) и Моравска Дија (Moravská Dyje, Mährische Thaya) кои потоа се среќаваат кај гратчето Рабс.

Името Дија значи „тромава“. Недалеку од Знојмо се наоѓа истоименото селце Дије, наречено по реката.

Географија

Во горното течение, реката минува низ длабоки клисури во Националниот парк Подији и минува покрај повеќе замоци и дворци. Тука има изградено неколку брани.

Дија ги собира водите од западната половина на Моравија и соседните краишта на Долна Австрија. Нејзини најголеми притоки се Свратка и Јихлава кои се среќаваат во средната акумулација од хидросистемот „Нове Млини“.

Населени места

Поважни населени места по течението на Дија (по низводен редослед) се:

Рабс на Дија (Raabs an der Thaya)
Дрозендорф-Цисерсдорф (Drosendorf-Zissersdorf)
Вранов на Дија (Vranov nad Dyji)
Хардег (Hardegg)
Знојмо (Znojmo)
Ла на Дија (Laa an der Thaya)
Леднице (Lednice)
Бжецлав (Břeclav)

Брани

Акумулацијата „Знојмо“.

Сите брани на Дија се наоѓаат во Чешка и служат за наводнување, производство на електрична енергија и заштита од поплави.

Брана	Моќност	Вид
„Вранов“	18,9 MW	обична
„Знојмо“	1,4 MW	проточна
„Нове Млини I“ (горна)	—	проточна
„Нове Млини II“ (средна)	—	проточна
„Нове Млини III“ (долна)	2,4 MW	проточна

Поврзано

Наводи

↑ ^1,0 ^1,1 Niederösterreich Atlas (Lower Austria)

Надворешни врски

Тековен водостој на Дија: во Подхради, Вранов-Хамри и Ладна — портал „Моравски слив“ (чешки)
Информации за пловноста на Дија (чешки)
Список на хидроелектраните на Дија (чешки)
Здружение на пријателтие на Дија (Таја) Архивирано на 2 април 2016 г. (германски)
Дија (Таја) на „Австрија-форум“ — Австриски лексикон

[AT-3_NÖA-1] 1,0 ^1,1 Niederösterreich Atlas (Lower Austria)

[1]