Григориј Кумановско-осоговски

Митрополитот Григориј (Настески) е архијереј на Македонска православна црква - Охридска архиепископија, со титула митрополит Кумановско-осоговски.

Епархија Кумановско-осоговска Григориј
На должноста
Стапил 2020
Претходник	Јосиф
Лични податоци
Роден(а)	16 јануари 1978 Прилеп
Националност	Македонец
Вероисповед	Православен христијанин

Образование

Митрополитот Григориј е роден на 16 јануари 1978 година во Прилеп, од татко Љубомир и мајка Ристана.

Основно и средно училиште завршил во родниот град, со одличен успех. Во 1996 г. се запишал индустриски менаџмент на Техничкиот факултет во Битола, каде што дипломирал во 2001 г.

Магистерски студии завршува на Економскиот институт при Универзитетот „Свети Кирил и Методиј“ - Скопје, во 2003 година, а докторирал на Институтот за социолошки и политичко‒правни истражувања во 2005 година.

Во 2004 година запишува постдипломски студии на Богословскиот факултет при Универзитетот „Свети Климент Охридски“ во Софија, а во 2012 г. докторира на истиот универзитет.

Монашки живот

Метанија за искушеник полага во декември 2003 година, а во чин ипоѓакон е ракопроизведен во мај 2004 година.

Во 2005 година, замонашен е во Манастирот Св. Леонтиј во Водоча, во чинот мала схима, од страна на митрополитот Наум. Истата година е ракоположен во чин јероѓакон.

Во чин јеромонах е ракоположен на 10 февруари 2006 година, во Манастирот Свети Георгиј и Свети Антониј Велики во Ново Село ‒ Струмица, каде што живее како собрат.

Во август 2007 година, заминува во ставропигијалниот манастир Рождество на Пресвета Богородица во Калишта ‒ Струга.

Во јануари 2015 година добива канонски прием во Кумановско‒осоговската епархија и од страна на надлежниот митрополит Јосиф ге поставен за архијерејски заменик.

На 7 август 2015 година, во Манастирот Св. Јоаким Осоговски, од страна на митрополитот Јосиф е произведен во чин игумен.

Во 2016 година, со одлука на САС на МПЦ-ОА е избран за архимандрит.

Архијереј

Во мај 2020 година е избран за епископ Сарандопорски, а на истата седница на САС на МПЦ-ОА е назначува за надлежен епархиски архијереј на Кумановско-осоговската епархија.

На 26 јули 2020 година, од страна на Архиепископот Охридски и Македонски г.г. Стефан, во сослужение со членовите на САС на МПЦ – ОА, е востоличен за митрополит на Кумановско-осоговската епархија.

Библиографија

• Благобитие (2017)
• Автокефалноста на МПЦ‒ОА (интракохезијални предразговори за долгорочноста на nominatio auctoris на правниот сукцесор на Охридската архиепископија ‒ македонската православна црква) - во коавторство со митрополитот Јосиф (2018)