Графички техники и технологии

Графички техники и технологии претставуваат материјали, постапки и начини на нивна употреба при печатење и создавање на уметнички дела графика. Карактеристично за овој медиум и начин на изработка на уметничките дела се: најпрво изработката на матрицата, од која цртежот или ликовната постапка се отсликува - втиснува на хартијата или некоја друга подлога. Исто така по правило во оваа техника графичките отпечатоци, благодарение на матрицата можат да се печатат во два и повеќе примероци - тиражи, со што графичкиот отпечаток, како уметничко дело заради својата мултиоригиналност е една од најдемократските и најдостапни уметнички дисциплини. Методот на графичките техники за обработка на матрицата - подлогата може да биде: механички, хемиски и фотохемиски. Според тоа како е изработен и обработен цртежот на матрицата, релјефно, длабинско или рамно, се разликуваат три главни графички методи на печатење: релјефно, длабинско и рамно соодветно.[1]

Албрехт Дирер „Меланхолија“ (1514), бакропис
Пол Гоген Маруру (Благодарност), 1894, дрвопис, Уметничка галерија на Универзитетот Јејл

Главни графички техникиУреди

Главни видови Механички метод Хемиски метод Фотохемиски метод[2]
Висок печат Дрвопис, Линорез
Длабок печат Бакрорез, Мецотинта, Сува игла Бакропис, Акватинта, Мека превлака, Резерваж, Колаграфија
Рамен печат Литографија, Хектографија Ситопечат, Фотолитографија

Графички методиУреди

Механички методУреди

Овој метод вклучува само рачна изработка и претставува врежување во матрицата која може да е од дрво или метал. Врежувањето се врши со помош на графички алатки - ножеви, игли, длета, шила.

Хемиски методУреди

Хемискиот метод покрај рачната обработка вклучува и хемиски процеси на обработка на матрицата кои се познати како - нагризување или нагризување на металната плоча со киселини.

Фотохемиски методУреди

Овој метод подразбира дејство врз матрицата со помош на светлина и хемиски средства[3].

Техника на висок печатУреди

Оваа техника на висок печат е обработка на плочата - матрицата на која што линиите и формите што сакаме да ги втиснеме на хартијата се на површината од матрицата а оние што не треба да бидат отпечатени, втиснати се под површината на матрицата.

Техника на длабок печатУреди

Оваа техника подразбира - цртежот што сакаме да го втиснеме на хартијата од матрицата да се врежува во плочата. При печатењето, површината на плочата останува чиста и без боја а врежаните линии и форми се исполнети со боја која потоа се втиснува на хартијата. За графички подлоги, матрици, вообичаено се користат плочи од бакар, цинк, алуминиум, плексиглас. Цртежите се внесуваат на два начина: механички или хемиски.

Техника на рамен печатУреди

Техниката на рамен печат подразбира печатење на цртежот и формите преку рамна плоча.

Галерија со примери од графички техникиУреди

НаводиУреди

ЛитератураУреди

  • ESTAMPES,TAILLE DOUCE & AUTRES PROCÉDÉS, Claire HÉNAULT, 10, rue de Port-Royal[1].
  • Chamalieres - 10 Catalogue[2].
  • l'estampe et le multiple - Creative Commons Attribution-Share Alike 3.0 Unported,2011[3].
  • Паригин А. Б. Уметноста на графиката ХХ век (историја, феноменологија, техники, поими). — СПб, 2010. — 304 с. ил. (рус). —. ISBN 978-5-7937-0490-8.

Надворешни врскиУреди

  1. Estampes
  2. Catalogue
  3. l'estampe et le multiple