Горјан
Горјан или Горени (грчки: Γεωργιανή, Георѓани; до 1926 г. Γκόργιανη, Горјани[2]) — село во Правишко, Егејска Македонија, дел од денешната Општина Кушница, во Источна Македонија и Тракија, Грција.
| Горјан Γεωργιανή | |
|---|---|
  Горјан | |
|
Местоположба во областа   Горјан | |
| Координати: 40°57′N 24°08′E / 40.950° СГШ; 24.133° ИГД | |
| Земја | Грција |
| Област | Источна Македонија и Тракија |
| Округ | Кавала |
| Општина | Кушница |
| Општ. единица | Кушница |
| Надм. вис. | 124 м |
| Население (2011)[1] | |
| • Вкупно | 611 |
| Часовен појас | EET (UTC+2) |
| • Лете (ЛСВ) | EEST (UTC+3) |
Географија и местоположба уреди
Селото се наоѓа на североисточните падини на планината Кушница, северозападно од малиот град Правишта, на надморска височина од 260 метри.[3]
Се наоѓа на 10 километри од градот Правишта во северозападна насока и на 1 километар северно од селото Никишјан.
Историја уреди
Во XIX век, Горјан било село во Правишката каза, на Отоманското Царство.
Селото Горени во минатото било населено со турско население.[3]
Во 1926 година било преименувано од Горјани во Георѓани.
Стопанство уреди
Селото е прилично богато. Населението главно се занимава со земјоделство (тутун и пченица) и делумно со сточарство (одгледување крави).[3]
Население уреди
По принудното населување на турското население во согланост со Лозанската конвенција, во 1924 година во селото биле сместени бегалски семејства. Нивниот број во 1928 година изнесувал 976, а во 1940 година се искачил на 1.500 жители.[3]
Во 1941 година, според бугарската статистика селото имало 1.482 жители. Во 1951 година биле попишано 1.608 жители, во 1961 година 1.469, во 1971 година поради помасовното иселување во поголемите градови, бројот на жители се намалил на 930, додека во 1981 година се забележани 1.016 и во 1991 година 1.025 жители.
Според пописот во 2001 година, селото имало 706 жители. Во најновиот попис во 2011 година спроведен во Грција, селото било забележано со 611 жители.
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 1.482 | 1.608 | 1.469 | 930 | 1.016 | 1.025 | 706 | 611 |
- Извор за 1940-1991 г.: Т. Симовски, Населените места во Егејска Македонија
Самоуправа и политика уреди
Селото припаѓа на општинската единица Кушница со седиште во селото Никишјан, која припаѓа на поголемата општина Кушница, во округот Кавала. Воедно, се наоѓа и во општинскиот оддел Горјан, во кој е единствено село.
Наводи уреди
- ↑ „Попис на населението од 2011 г. Трајно население“. Државен завод за статистика на Грција.
- ↑ Μετονομασίες των Οικισμών της Ελλάδας. Γκόργιανη -- Γεωργιανή
- ↑ 3,0 3,1 3,2 3,3 Симовски, Тодор (1998). „Кавалски округ“. Населените места во Егејска Македонија : географски, етнички и стопански одлики. дел. Скопје: Институт за национална историја. стр. 223.