Географија на Босна и Херцеговина

Топографска карта на Босна и Хервеговина.

Географски координати : 44°N 18°E

Местоположба

Босна и Херцеговина е држава која се наоѓа во југоисточниот дел на Европа, сместена на западниот дел од Балканскиот Полуостров.

Граници

Вкупната површина на земјата изнесува 51 129 км². Таа граничи со Хрватска на север, северозапад и југ со вкупна должина на границата од 932 km, потоа со Србија на исток со вкупна должина на границата од 312 км и со Црна Гора на југоисток со вкупна должина на границата од 20 км.

Босна и Херцеговина излегува на Јадранското Море. Самата држава се состои од две географски и историски целини: Босна која се наоѓа на север со околу 42 000 км², и Херцеговина на југ. Државата е мала планинска земја. Главен град на земјата е Сараево со околу 500 000 жители. Од поголемите градови се издвојуваат: Бања Лука, Тузла, Мостар, Бихаќ, и други.

Население

Според пописот на населението во 1991 година, од вкупното население 44% се Бошњаци, 31% Срби и 17 % Хрвати, а додека 6% се декларирале како Југословени, и 2% во останати. Според процентите од американската агенција ЦИА, населението во БиХ во 2004 година изнесувало 4.007.608 од кои во федерацијата Босна и Херцеговина живееле 2.517.972 а во Република Српска 1.490.993.

Клима

Климата во БиХ е умереноконтинентална со топли лета и ладни зими. Подрачјата кои се наоѓаат на голема надморска височина имаат кратки ладни лета и долги жешки зими. На југ кон приморјето можат да се појават благи врнежливи зими.