Генциј
Генциј (албански: Genti, грчки: Γένθιος) — последниот илирски крал (180-168 п.н.е)[1]. Генциј бил син на големиот илирски крал Плеврат II од племето Лабеати. Владеел со Илирија од 180-168 година п.н.е. Главен град во тоа време му бил Скадар.
| Генциј | |
|---|---|
| Крал Генциј | |
 Монета од Генциј. | |
| На престол | 181–168 п.н.е. |
| Претходник | Плеврат III |
| Наследник | Балајос |
| Починал(а) | по 167 п.н.е. Италија |
| Придружник | Етута |
| Татко | Плеврат |
Генциј имал незгоден карактер, лоши навики и не знаел да се контролира. Често постапувал грубо спрема своите поданици. Се плашел дека би можел да ја изгуби политичката моќ и престолот. Поради тоа отишол толку далеку што наредил да го убијат неговиот брат, принцот Плеврат. Според друга верзија, двајцата имале намера да се оженат со Етута, ќерка на Монуниј[2], кралот на Дарданците. После убиството на братот, принцезата се омажила за Генциј.
Далматинците во 180 године п.н.е. ја прогласиле својата независност од неговото владеење. Генциј во 171 п.н.е. се здружил со Римјаните против Македонците, но две години подоцна го променил мислењето и склучил сојуз со Персеј Македонски. Дури и наредил да се уапсат двајца римски легати и да се уништат градовите Аполонија и Дирхакиум, кои биле во сојуз со Рим. Тоа му била огромна грешка бидејќи Рим го поразил Персеј и во 168 п.н.е. и ја испратил римската војска од 30.000 војници под водство на Луциј Аниција во Скадар. Генциј доживеал пораз и целата негова фамилија била заробена и одведена во Рим во 167 п.н.е. Не е познат датумот на неговата смрт. Исчезнувањето на Генциј значело и крај на кралството на Илирите и нивната политичка независност[3]. Рим ја анектирал цела Илирија и формирал нова провинција - Илирик.
Наводи
уреди- ↑ Wilkes 1995, стр. 189.
- ↑ Wilkes 1995, стр. 85.
- ↑ Berranger, Cabanes & Berranger-Auserve 2007, стр. 127.
Надворешни врски
уреди- Berranger, Danièle; Cabanes, Pierre; Berranger-Auserve, Danièle (2007). Épire, Illyrie, Macédoine: Mélanges offerts au Professeur Pierre Cabanes. Presses Universitaire Blaise Pascal. ISBN 2-84516-351-7.
- Hammond, Nicholas Geoffrey Lemprière; Walbank, F. W. (1988). A History of Macedonia: Volume III: 336-167 B.C. Oxford University Press, USA. ISBN 0-19-814815-1.
- Jepson, Willis Linn (1975). A Manual of the Flowering Plants of California. University of California Press. ISBN 0-520-00606-2.
- May, J. M. F. (1946). „Macedonia and Illyria (217-167 B.C.)“. The Journal of Roman Studies. 36: 48–56. doi:10.2307/298040.
- Wilkes, John (1995). The Illyrians. Wiley-Blackwell. ISBN 0-631-19807-5.
| „Генциј“ на Ризницата ? |