Вујадин Бошков
Вујадин Бошков (е роден на 16 мај 1931 година, а починал на 27 април 2014 година) бил српски фудбалер и тренер.
.jpg)
Во текот на неговата кариера како фудбалски тренер, се издвојувал по многубројните успеси, како и поради неговата единствена смисла за хумор. Често пати ги користел незаборавните иронични коментари, кои биле искористени за намалување на тензијата за време на интервјуата по натпреварите. Ова негово специфично однесување го довело до голема популарност меѓу фудбалските фанови за време на неговиот престој во Италија.[1][2] На двапати тој со своите клубови стигнал до финалето на европскиот куп, и тоа во 1981 и во 1992 година.
Клупска кариера Уреди
Бошков е роден во село Бегеч, 10 километри (6 милји) од градот Нови Сад, Војводина, Србија. Потекнувал од српско семејство кое живеело во Нови Сад (официјално е роден во Петроварадин) пред да се пресели во село Бегеч за време на Втората светска војна. Таму живеел со неговиот дедо. Неговиот постар брат исто така бил фудбалер, но рано починал. Вујадин имал две сестри со име Вера и Даница (Дада). Даница е жива, а Вера е почината. Долго време останал верен на својот локален тим ФК Војводина, каде во поголемиот дел од својата кариера (1946–1960) играл за тој клуб. И кога не бил во тимот тој континуирано го поддржувал. Во знак најголема благодарност по него е именуван тренинг кампот на ФК Војводина во месноста Ветерник. Вујадин Бошков во 1952 година на Олимпијадата во Хелсинки настапил за југословенскиот тим кој извојувал победа против репрезентацијта на тогашниот Советски Сојуз. Запаметен е по фотографија со тимот на Динамо Загреб во кафулето „Чарли“ во Загреб, како голем југословенски фудбалер. Во 1961 година се преселил во Италија за да игра за клубот Серија А, Сампдорија од Џенова. По една година, во сезоната (1961–62), прифатил функција како играч, но и како тренер во швајцарскиот Јанг Фелоус Цирих. Таму останал во периодот од 1962–1964 година.[3] Подоцна, Бошков се вратил во клубот во кој започнал да игра фудбал, екипата на ФК Војводина, и таму поминал седум сезони (1964–1971) како технички директор. На оваа позиција остварил успех и стигнал до освојување на едно првенство во тогашната југословенска лига во сезоната 1965–66. Вујадин Бошков целиот свој живот бил познат во Италија како голем господин и космополит. Весникот Куриере дело спорт ги објавил неговите најпознати цитати поврзани со фудбалската игра. Постои и цела книга со неговите цитати објавена во Италија. Зборувал неколку јазици, а живеел на многу места низ цела Европа.
Репрезентација Уреди
Бошков станал играч на Фудбалската репрезентацијата на Југославија и бил дел од тимот што го освоил сребрениот медал на Олимпискиот фудбалски турнир во 1952 година во Хелсинки.[4] За репрезентацијата на Југославија тој настапувал и на Светските првенства на ФИФА во 1954 во Швајцарија и 1958 година во Шведска.[5]
Тренерска кариера Уреди
Вујадин Бошков по фудбалската кариера развил успешна меѓународна тренерска кариера со престој во холандската Ередивизија (АДО Ден Хаг (1974–1976) и Феjенорд (1976–1978)), потоа во шпанската Ла Лига ( Реал Сарагоса (1978–79), Реал Мадрид (1979–1982). ), и Спортинг од Хихон (1983–84), па италијанска Серија А (Асколи Калчо 1898 (1984–1986), УК Сампдорија (1986–1992, 1997–98), АС Рома (1992–93), Наполи (1994). –1996) и клубот на АЦ Перуџа (1999) и швајцарската лига (клубот на Сервет ФК (1996–97)).
Веројатно неговото најголемо достигнување како тренер било во 1991 година, кога ја предводел екипата на Сампдорија до скудетото во Серија А. Следната сезона, тој го однел клубот до финалето на Европскиот куп, на стадионот Вембли во Англија каде што загубиле со 1:0 од гигантот Барселона.[1] Сампдорија како клуб,на чие чело бил, често користела тактички одбранбен систем за маркација на секој противнички играч.[6]
Тој бил тренер на репрезентацијата на Југославија на Евро 2000, каде што на епски натпревар загубиле од Шпанија во Бриж со 3:4. Подоцна во четврт-финалето доживеале вистинска катастрофа од домаќинот Холандија кога загубиле со 6:1.[1]
Тренерска статистика Уреди
| Тим | Година
од- |
Година
-до |
Вкупни Резултати | ||||
|---|---|---|---|---|---|---|---|
| Натпревари | Победи | Нерешени | Порази | Победи во % | |||
| Југославија | Април 1971 | Октомври 1973 | 27 | 10 | 12 | 5 | 37,04 |
| АДО Ден Хаг | Јуни 1974 | Јули
1976 |
81 | 31 | 25 | 25 | 38,27 |
| Фејeнорд | Јули 1976 | Јуни 1978 | 80 | 32 | 26 | 22 | 40,00 |
| Сарагоса | Јули 1978 | Мај 1979 | 46 | 19 | 9 | 18 | 41,30 |
| Реал Мадрид | Август 1979 | Март 1982 | 139 | 80 | 31 | 28 | 57,55 |
| Спортинг Хихон | Јули 1982 | Јуни 1984 | 79 | 27 | 24 | 28 | 34,18 |
| Асколи | Ноември 1984 | Јуни 1986 | 63 | 23 | 27 | 13 | 36,51 |
| Сампдорија | Јули 1986 | Јуни 1992 | 289 | 139 | 90 | 60 | 48,10 |
| Рома | Јули 1992 | Јуни 1993 | 51 | 19 | 18 | 14 | 37,25 |
| Наполи | Октомври 1994 | Јуни 1996 | 66 | 22 | 21 | 23 | 33,33 |
| Сервет | Јули 1996 | Декември 1996 | 22 | 5 | 9 | 8 | 22,73 |
| Сампдорија | Ноември 1997 | Јуни 1998 | 26 | 10 | 7 | 9 | 38,46 |
| Перуџа | Февруари 1999 | Јуни 1999 | 14 | 5 | 2 | 7 | 35,71 |
| Југославија | Јули 1999 | Јули 2000 | 15 | 6 | 5 | 4 | 40,00 |
| Југославија | Мај 2001 | Октомври 2001 | 8 | 4 | 2 | 2 | 50,00 |
| Вкупно | 1.006 | 432 | 308 | 266 | 42,94 | ||
Признанија Уреди
Тренерски Уреди
АДО Ден Хаг
- Освоен е Купот на КНВБ: 1974–75
Реал Мадрид
- Освоена е Ла Лига првата шпанска лига: 1979–80
- Освоен е Копа дел Реј Кралскиот куп на Шпанија: 1979–80
Асколи
- Освоена е Серија Б: 1985–86
Сампдорија
- Победник во Европски куп на победници на купови: 1989–90
- Освоена е Серија А: 1990–91
- Освоен е Копа Италија: 1987–88, 1988–89
- Победници во Суперкупот на Италија: 1991 година
Крај на животот Уреди
Вујадин Бошков починал по долго боледување во Нови Сад, на 27 април 2014 година, на 82-годишна возраст.[7][8]
Наводи Уреди
- ↑ 1,0 1,1 1,2 „Europe mourns Serbia great Boškov“. UEFA. 27 April 2014. Архивирано од изворникот на 2016-10-31. Посетено на 25 August 2015.
- ↑ „Remembering the great Boskov“. Football Italia. 30 April 2014. Посетено на 25 August 2015.
- ↑ Ex-Yugoslavia, Real coach Boskov dies - FIFA
- ↑ „Vujadin Boškov“. Olympedia. Посетено на 5 November 2021.
- ↑
- Вујадин Бошков – Профил на службената страница на ФИФА
- ↑ Massinissa, Gianni (30 August 1992). „BUSO E JUGOVIC LA SAMP SI SVEGLIA“. La Repubblica (италијански). Посетено на 26 October 2019.
- ↑ Preminuo Vujadin Boškov Архивирано на 17 септември 2014 г.; Mondo, 27 April 2014
- ↑ Europe mourns Serbia great Boškov
Надворешни врски Уреди
- Вујадин Бошков на National-Football-Teams.com