Владимир Плавевски

Владимир Плавевски (Скопје, 11 декември 1948) — македонски писател[1] и аматерски фотограф.

Владимир Плавевски
Роден 11 декември 1948
Скопје ,  Социјалистичка Федеративна Република Југославија
Занимање писател, фотограф и професор

ЖивотописУреди

Плавевски е роден на 11 декември 1948 година во [Скопје]. Со аматерска фотографија почнал да се занимава од својата рана младешка возраст, а со интензивно излагање фотографии на бројни групни изложби дејствува во периодот 1973 до 1990 година. Во седумдесеттите години бил член, а потоа и претседател на Фото клубот "Вардар" од Скопје (1978 - 1990) како и претседател на Фото сојузот на Македонија (1982 - 1986). Член е на ДЛУПУМ од 1983 година и бил предавач по предметот "Фотографија" на Факултетот за Драмска уметност во 1993/94 година. Учествувал на голем број групни изложби во земјата и во странство и е добитник на поголем број награди и признанија. Плавевски по професија е доктор. спец. оториноларинголог, Примариус. Автор е на повеќе драмски текстови, сценарија за телевизиски серии, ТВ филмови и радио драми. Од 2000 година е член и на ДПМ.

БиблиографијаУреди

Во врска со фотографијата објавил две книги:[2]

  • Папарацо - феномен на денешнината“ (Алфа 94, Скопје 1997.) и
  • Фотографија“ (Алфа 94, Скопје 1998.)

Објавил и четири книги со раскази:

  • Играч на Фанта'" (1997.),
  • Амкање" (2001.),
  • Ловец на самовили" (2004);
  • Поплава" (2006.);
  • „Цена од Ново Маало“ (2009)
  • Последниот сплавар на Вардар“ (2010);
  • Вистински приказни“ (Македоника литера, Скопје, 2011)

Автор е на сценарија според кои за Македонската радио-телевизија досега се снимени повеќе од 40 епизоди од играните серии: „Еурека“, „Прекалени“, „Светски бајки“, „Македонски бајки“ и „Златни басни“. Сценарист е и на ТВ-филмовите: „Состојба пред инфаркт“ (1987), „Бог да ги убие шпионите“ (1993) и „Вампирџија“ (2002), „Бои во времето“ (2005, специјална награда „Златен проектор“ на Астер-фест 2006); „Нави“ (2007), а режисер и сценарист на тв филмот „Мултиплеј“ (2008). За Македонското радио му се снимени девет радиодрами. Неговите драмски текстови „Пипа ритам“ (1986), „Балерината“ (1994), „Кралот Хамлет“ (1995) и „Каста Дива“ (1997), детскиот драмски текст „Трагачи по виножитото“ (1988) и „Министерот и јас“ (2002) се поставени на сцената на Турскиот театар во Скопје; „Раскол“ во Народниот театар во Куманово (1998); а „Операција Лир“ во Народниот театар „Антон Панов“ во Струмица (2002).

НаградиУреди

НаводиУреди

  1. Македонски писатели/Macedonian writers, Друштво на писатели на Македонија, 2004, стр. 203 - 204.
  2. „Книга раскази за вистински личности од Владимир Плавевски“. Утрински Весник. 28 ноември 2011. Посетено на 2012-01-09.
  3. „ДОБИТНИЦИ НА КНИЖЕВНИТЕ НАГРАДИ НА ДПМ ЗА 2020 ГОДИНА“. Посетено на 8 август 2021.

Надворешни врскиУреди