Влада на Македонија од 1951
Владата на НР Македонија од 1951 е формирана на 6 јануари 1951 година. Ја врши својата функција до 3 февруари 1953 година кога е избран Извршен совет на Народното Собрание на НРМ.
Состав на владата уреди
Составот на владата е следниот:[1]
- претседател на Владата: Лазар Колишевски
- потпретседател на Владата, претседател на Стопанскиот совет и на Планската комисија: Борко Темелковски
- потпретседател на Владата, претседател на Советот за законодавство и изградба на народната власт и на Советот за промет со стоки: Никола Минчев
- министер на внатрешните работи: Цветко Узуновски
- министер - претседател на Советот за земјоделство и шумарство: Наум Наумовски
- министер - претседател на Советот за енергетика, преработувачка и екстрактивна индустрија: Благој Попов
- министер - претседател на Советот за локални работи и локална индустрија: Кемал Сејфула
- министер - претседател на Советот за народно здравје и социјални грижи: Вера Ацева
- министер за просвета, наука и култура: Крсте Црвенковски
- министер за трговија и снабдување: Ристо Бајалски
- министер за државни набавки: Перо Менков
- министер за земјоделство и шумарство: Аспарух Каневче
- министер за градежништво: Боге Кузмановски
- министер за финансии: Даре Џамбаз
- министер на труд: Џафер Кодра
- министер на правосудие: Благој Левков
- министер - претседател на Комисијата за државна контрола: Благоја Талески
- министер - генерален секретар на Владата: Методија Митевски.
Реконструкции на Владата уреди
На 13 април 1951 година изгласана е реорганизација на Владата, по што е извршена и реконструкција на Владата.[2]
- Страхил Гигов е назначен за министер-претседател на Советот за енергетика, преработувачка и екстрактивна индустрија на местото на Благоја Попов
- Кемал Сејфула е разрешен од функцијата министер-претседателот на Советот за комунални работи и локална индустрија
- Боге Кузмановски наместо министер за градежништво станува министер-претседател на Советот за градежни и комунални работи
- Крсте Црвенковски наместо министер за просвета, наука и култура станува министер-претседател на Советот за просвета, наука и култура
- Џафер Кодра наместо министер за труд станува министер за правосудство на местото на Благој Левков
- Киро Георгиевски станува министер-генерален секретар на Владата на местото на Методија Митевски
- Потпретседателот на Владата и претседателот на Стопанскиот совет, Борко Темелковски, е разрешен од должноста претседател на Планската комисија
- Разрешени се и министерот за трговија и снабдување, Ристо Бајалски, министерот за државни набавки, Перо Менков и министерот за земјоделство и шумарство, Аспарух Каневче.
На 15 октомври 1951 година повторно е извршена нова реорганизација на Владата по што повторно доаѓа до реконструкција на Владата.[3]
- Страхил Гигов е разрешен од функцијата министер-претседател на Советот за енергетика, преработувачка и екстрактивна индустрија
- Видое Смилевски е назначен за потпретседател на Владата и претседател на Стопанскиот совет на местото на Борко Темелковски
- Борко Темелковски е назначен за министер-претседател на Советот за индустрија и градежништво
- Никола Минчев наместо претседател на Советот за промет со стоки станува министер за финансии
- Даре Џамбаз наместо министер за финансиите е назначен за министер-претседател на Советот за просвета, наука и култура на местото на Крсте Црвенковски
- Боге Кузмановски наместо министер-претседател на Советот за градежни и комунални работи станува министер-претседател на Советот за промет со стоки.
На 4 февруари 1952 година, поради заминување на друга должност, од функцијата министер-претседател на Советот за промет со стоки е разрешен Боге Кузмановски и е именуван Аспарух Каневче.[4]