Виктор Корчној

Виктор Корчној (руски: Ви́ктор Льво́вич Корчно́й) роден во Ленинград (денешен Санкт Петербург), 23 март 1931 починал во Волен на 6 јуни 2016 година.

Виктор Корчној

Бил Руски шаховски велемајстор на почетокот а подоцна и руско – швајцарски шаховски ас. Според стилот на играта бил нарекуван „Страшниот Виктор“.

За време на Втората светска војна Корчној живеел во Ленинград (денес Санкт Петербург) за време на неговата опсада (1941-1945).

Започнал да учи шах уште во неговата шеста година од животот. Станал Советски мајстор во 1951 година, интернационален мајстор во 1954 година а велемајстор во 1956 година. Четири пати бил шампион на Советскиот Сојуз, а играл и за олимпискиот тим на истата држава. Како член на шаховскиот тим на Советскиот сојуз има освоено 6 златни медали (одликувања). Осум пати играл во натпревари за кандидат за светски првак, а играл и два пати во финале против Анатолиј Карпов.

Емигрирал во Швајцарија во 1976 година и таму се здобива со статус на Швајцарски граѓанин во 1991 година. Тоа претставувала прва емиграција на врвни Советски шахисти од Советскиот сојуз кон државите од западот. На Филипините во 1978 година бил многу блиску до победа против Карпов во натпревар за светски првак.

Корчној бил повеќе од 50 години пласиран помеѓу 100те шахисти во светот на ранг листата. Се до својата смрт бил врвна форма, а во поодминатите години од својот живот има победувано на турнири (2006 година освоил титула помеѓу ветерани). Виктор Корчној умрел на 6 јуни 2016 година во градот Волен во Швајцарија во 86тата година од својот живот.

Добро го говорел српскиот јазик.

Се до својата смрт бил рангиран помеѓу првите 100 шахисти во светот.

период позиција рејтинг
Јануари 2007 85 2629
Октомври 2005 92 2620
Јули 2005 100 2615
Април 2005 96 2619
Јануари 2005 90 2617
Јули 2003 66 2628
Април 2003 60 2632
Јануари 2003 43 2642
Октомври 2002 52 2634
Јули 2002 59 2626
Април 2002 51 2635
Јануари 2002 54 2633
Октомври 2001 45 2639
Јули 2001 64 2617
Април 2001 41 2643
Јануари 2001 46 2639
Октомври 2000 50 2632
Јули 2000 63 2620

Табела со: пласман и рангирање на Корчној во периодот од јули 2000 до 2007 година

Успеси во шаховската кариераУреди

Виктор Корчној многу долг период успеал да остане врвен шахист. Го восхитил светскиот шаховски свет кога на импресивен начин успеал да се квалификува на шаховското првенство на тогашниот Советски Сојуз (СССР) во 1952 година. Во тоа време СССР бил доминантна шаховска сила во светот. Во 1960 година за прв пат успева да победи на шаховското првенство на Советскиот Сојуз, додека второ место има освоено во 1962, 1964 и во 1970 година. Неговата најзначајна игра во целокупната шаховска кариера била онаа за титулата шампион на светот против Анатолиј Карпов. Тоа се случило во два наврата и тоа во 1970 и 1980 година. Финалните натпревари за кандидат за светски првак ги започнал во 1974 а траеле до 1981 година. Во сите тие натпревари играл против вкупно 8 светски прваци: Ботвиник, Таљ, Смислоц, Петросјан, Спаски, Фишер, Карпов и Каспаров. Против Таљ имал 13 победи, 6 порази и 29 нерешени натпревари - реми. Против Петросјан и Спаски имал позитивен исход, а против Ботвиник и Фишер имал нерешен резултат. За сите тие години бил втор играч на светската ранг – листа.

-     1960 - 1970 година шампион на Советскиот Сојуз – 4 пати

-     1968 година финален натпревар за кандидат со Спаски (1 победа и 4 порази) Киев, Украина

-     1974 година финален натпревар за кандидат против Карпов (2 победи и 3 порази) Москва, СССР

-     1977 година финален натпревар за кандидат против Спаски (7 победи и 4 порази) Белград, Југославија

-     1978 година натпревар за светски шампион во шах против Карпов (5 победи и 6 порази) Филипини

-     1980 година финален натпревар за кандидат против Хибнер (3 победи и2 пораза) Мерано, Италија

-     1981 година натпревар за светски шампион во шах против Карпов (2 победи и 6 порази)

Успеси на големи турнириУреди

-        1960 година, СССР – прво место

-        1965 година, Ереван, Ерменија – прво место

-        1980 година, Лондон, Велика Британија – поделба од прво до трето место

-        1985 година, Тилбург, Холандија – поделба од прво до трето место

Карактерот на КорчнојУреди

Долго време за Корчној се мислело дека е лош и со циничен карактер поради неговиот остар поглед. Тој во суштина бил многу љубезен и пријатен човек и таквите првично донесени заклучоци за него го навредувале. Приказната за неговиот натпревар против Карпов била легендарна. Мистериозниот јогурт од јагоди кој го пиел за време на натпреварот, х - зраците, хипнозата, вртењето околу масата за игра и другите бизарности кои порано никогаш не биле забележани го карактеризирале тој натпревар.

Се говори дека постои анегдота во која во еден момент на една партија без ронка комплекс го запрашал судијата за големата рокада. Го запрашал судијата дали може да направи рокада на дамината страна кога неговиот противник го напаѓа полето Б1. Корчној подоцна ја продолжил партијата и победил во истата.