Лого на Светското првенство во водени спортови 2013
Лого на Светското првенство во водени спортови 2013

XV Светско првенство во водени спортови (шпански: Campeonato Mundial de Natación de 2013) — светски натпревар во водени спортови одржан од 20 јули до 4 август 2013 во Барселона, Шпанија. Во составот на првенството се наоѓале 6 поединечни спортови, и тоа: пливање, ватерполо, скокови во вода, високи скокови во вода, далечинско и синхронизирано пливање.

Првенството најпрво било доделено на Дубаи, Обединетите Арапски Емирати, во јули 2009; но Дубаи се откажал од првенството во мај 2010. ФИНА повторно отворила конкурс за организација, и на 16 септември 2010 било одлучено Барселона да биде домаќин на првенството. Градот исто така бил домаќин и на Светското првенство во 2003.

Спортските објекти каде што се одржале натпреварувањата претходно служеле во Светското првенство во водени спортови 2003, и тоа: арената „Сант Жорди“ за пливање и синхронизирано пливање, „Порт Вел“ за далечинско пливање, високи скокови во вода, базенот „Монжуик“ за скокови во вода и базенот „Бернат Пикорељ“ за ватерполо. Дознајте повеќе...