Википедија

Вес Хулахан

Весли "Вес" Хулахан (роден на 20 мај 1982 година) — поранешен ирски фудбалер, играч од средниот ред.

Вес Хулахан
Лични податоци
Роден на 20 мај 1982(1982-05-20) (41 г.)
Роден во Даблин, Ирска
Држава Ирска Ирска
Висина &100000000000001680000001,68 м
Играчки податоци
Позиција среден ред
Младинска кариера
Белведере
Кариера*
Години Клуб Наст.† (Гол.)†
2001–2006 Шелбурн 133 (11)
2006–2007 Ливингсон 16 (0)
2006–2008 Блекпул Блекпул 87 (13)
2008–2018 Норич Сити Норич Сити 323 (47)
Репрезентација ‡
2002-2003 Ирска Република Ирска 21 9 (1)
2008-2017 Ирска Република Ирска 43 (3)
  • Сениорските учества и голови се сметаат само за домашни натпревари
податоците се од 6 јануари 2011.

† Учества (Голови).

‡ Учествата и головите за репрезентација се според податок од 17 ноември 2010

Кариера уреди

Клупска кариера уреди

Кариерата ја започнал во Шелбурн во 2001 година и со овој клуб ја освоил ирската лига трипати во 2002, 2003 и 2004 година. Во 2006 го напуштил Шелбурн, а по краток период во шкотскиот Ливингсон, дошол во екипата на Блекпул на едногодишна позајмица. Откако оставил добар впечаток во клубот, Хулахан потпишал две-годишен договор со Блекпул во јуни 2007 година. Откако со клубот неуспеал да избори промоција во Премиер лигата во сезоната 2007-08 решил да ја смени клупската средина.

На 26 јуни 2008 Хулахан потпишал за Норич Сити, во размена во која бил вклучен резервниот голман на Норич, Матју Џилкс плус доплата на одредна сума. Во својата прва сезона Вес имал 31 настап и 2 постигнати гола во Чемпионшип, но неговиот придонес не бил доволен па клубот му испаѓа од лигата. Следната сезона по доаѓањето на новиот менаџер Пол Ламберт, клубот дошол до две промоции едноподруго, а Хулахан експлодирал. Најпрво Норич се враќа во Чемпионшип во сезоната 2009-10, а Хулахан бил еден од најважните играчи со 37 настапи и 11 гола. Потоа во сезоната 2010-11, Хулахан во 41 настап посигнал 10 гола и придонел за освојување на промоција и враќање на клубот во Премиер лигата за првпат по сезоната 2004-05.

Својот прв гол во Премиер лигата го постигнал во првото коло од сезоната 2011-12, на гостувањето против Виган Атлетик во натпревар што завршил 1-1.[1] Првата сезона во Премиер лигата ја завршил со 33 настапи и 4 гола.

Репрезентативна кариера уреди

Како еден од најталентираните фудбалери во првенството на Ирска во неговото време, тој бил повикан во репрезентацијата на Република Ирска до 21 година. За две години направил 9 настапи и постигнал еден гол.

Своето деби за сениорската репрезентација го направил на 29 мај 2008 против Колумбија, во победата со 1-0.

Хронологија на настапи и постигнати голови за националната селекција ― Ирска
Дата Град Домашни Резултат Гости Натпреварување Голови Инфо Детали
29-05-2008 Лондон Ирска   1 – 0   Колумбија Пријателска -   90'
14-11-2012 Даблин Ирска   0 – 1   Грција Пријателска -   46'
06-02-2013 Даблин Ирска   2 – 0   Полска Пријателска 1   62'
22-03-2013 Солна Шведска   0 – 0   Ирска Квал. за СП 2014 -   76'
02-06-2013 Даблин Ирска   4 – 0   Грузија Пријателска -   76'
07-06-2013 Даблин Ирска   3 – 0   Фарски Острови Квал. за СП 2014 -   73'
15-06-2013 Даблин Ирска   3 – 1   Казахстан Квал. за СП 2014 -   87'
14-08-2013 Кардиф Велс   0 – 0   Ирска Пријателска -   69'
15-11-2013 Даблин Ирска   3 – 0   Латвија Пријателска -   73'
19-11-2013 Познањ Полска   0 – 0   Ирска Пријателска -   73'
05-03-2014 Даблин Ирска   1 – 2   Србија Пријателска -   45',   61'
Вкупно Настапи 11 Голови 1

Хет-трик уреди

Хулахан има постигнато еден Хет-трик во кариерата, на натпреварот Норич-Шефилд Јунајтед 4-2 во 24-тото коло од Чемпионшип лигата во сезоната 2010-11. Неговите три гола (од кој два од пенал) му помогнале на Норич да се избори со негативата и на крајот да забележи победа.

Титули уреди

  Шелбурн уреди

  Норич Сити уреди

Надворешни врски уреди

Наводи уреди

  1. ↑ Norwich claim point at Wigan
Преземено од „https://mk.wikipedia.org/w/index.php?title=Вес_Хулахан&oldid=5017260“