Варвара (Тетовско)

Варвара — село во Општина Теарце.

Варвара
Варвара Местоположба на Варвара во Македонија Варвара на карта
Координати 42°3′45″N 21°1′1″E
Општина	Теарце
Население	4 жит. (поп. 2021)
Шифра на КО	28008
Надм. вис.	834 м
Варвара на општинската карта Атарот на Варвара во рамките на општината
Варвара на Ризницата

Географија и местоположба

Селото Варвара се наоѓа шарпланинската падина, североисточно од Тетово, над селото Лешок.

Историја

Според турските документи од 1467-1468 година селото имало 19 христијански семејства од кои едно било на калуѓерот Стефан и Миладин син на поп кој бил починат.

Во друг турски документи од 1626-1627 година селото се наоѓало во вилаетот Калканделен (Тетово) и било населено од 22 семејства (домаќинства).

Во 1947 година селото имало 9 семејства и 40 куќи.

Население

Население во минатото

Година Нас. ±% 1948 266 —     1953 239 −10.2% 1961 199 −16.7% 1971 54 −72.9% 1981 21 −61.1%	Година Нас. ±% 1991 12 −42.9% 1994 7 −41.7% 2002 0 −100.0% 2021 4 —

Според германска карта издадена во 1941 година, а заснована на пописот на Кралство Југославија во 1931 година, селото имало 300 Македонци.

Според пописот од 2002 година во селото немало жители.

Според последниот попис од 2021 година, во селото живееле 4 жители, сите Македонци.

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	220	280	266	239	199	54	21	12	7	0	4

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Варвара било македонско село.

Родови во селото биле:

• Чулевци (9 к.), староседелци. Имаат иселеници во Лешок, Тетово (осум семејства) и во Софија (три семејства).
• Дрндаровци (2 к.), староседелци. Имаат иселеници во Тетово (едно семејство) и во Русе (едно семејство).
• Цветковци (8 к.), староседелци. Имаат иселеници во Тетово (две семејства), Софија (четири семејства), Русе (едно семејство), Свиштов (едно семејство) и во Силистрa (две семејства).
• Печирибовци (4 к.), староседелци. Имаат иселеници во Лешок и во Софија (две семејства).
• Бошковци (2 к.), староседелци.
• Прнџовци (3 к.), староседелци. Имаат иселеници во Лешок и во Белград (едно семејство).
• Пандезини (1 к.), староседелци.
• Глаиновци (3 к.), староседелци.
• Коачовци (8 к.) доселени се како христијани од Љума во северна Албанија, овде се доселени на почетокот од XIX век. Жителите на овој род знаат за својот предок Милош Коач, кој заедно со својот брат се Трпко, и браќата биле ковачи и отука дошло името на родот. Имаат иселеници во Тетово (две семејства), Брезно и во Русе (шест семејства).

Самоуправа и политика

Избирачко место

Селото е опфатено во избирачкото место бр. 2009 според Државната изборна комисија, сместени во просториите на основното училиште на селото Лешок.

На претседателските избори во 2019 година, на ова избирачко место биле запишани вкупно 391 гласач.

Културни и природни знаменитости

Црквата „Св. Петка“ во Варвара

• Црква „Св. Петка“ - Варвара. Денес богослужба се служи во црквата Св. Петка. Непосредно под селото Варвара имало стара разурната црквичка Св. Петка. Околу 1900 година, варварчаните Миајле, Гаљо и Бошко, во средината на селото изградиле провизорна црква со плетени прачки облепена со кал. Подоцна, на истото место селаните изградиле мала црква и ја посветиле на истиот светител. Во 1977 година црквата е обновена и фрескоживописана од Крсто Гоговски од село Непроштено, а во 1978 година е осветена од Полошко-кумановскиот митрополит Господин Кирил.
• На патот за село Варвара се наоѓа Марков Камен – осамена карпа во јајцевидна форма, висока над два метра, за која постојат неколку легенди.

Личности

• Еротеј (световното име: Лаврентие Давидов) (? – 1910) - игумен на лешочкиот манастир.
• Силвестер (световното име Серафим) (1812 – 1882) - македонски игумен.
• Симче Петроски - Кубур - роден во с. Варвара, член на меснијот комитет на Македонската револуционерна организација, комита во Брезјанската чета, уапсен при сардусувањето на Лешочкијот манастир во 1905г, бил кмет во с. Варвара.
• Трпо Коач од с. Варвара, член е на меснијот комитет, прогонуван е од турските власти и уапсен при сардусувањето на Лешочкијот манастир во 1905 г. Ослободен е од затвор поради недостаток на докази и интервенцијата на европските конзули во Скопје.
• Милош Коач од с. Варвара брат на Трпо Коач, истите биле ковачи во селото а подоцна направиле и воденица изнад селото Лешок позади Лешочкото кале. Милош Коач бил угледен човек и имсе спротивставувал на албанските групи кои го напаѓал— селото. Еднаш кога се врачал од Скопје носејчи роба го убиле Албанци во заседа кај селото Вратица.
• Трпе- роден во с. Варвара, комита во Брезјанската чета

Иселеништво

Селото никогаш не било големо бидејќи постоја од него се одселувале во соседното Лешок, во Тетово, Белград (р. Србија), Рушчук (ден., Русе во Бугарија).

Надворешни врски

• Официјална страница Архивирано на 23 февруари 2013 г.
• Facebook Страница