Боро Чурлевски (Битола, 21 ноември 1965 - Битола, 26 декември 2014) — македонски ракометен играч и тренер, легенда на македонскиот и битолскиот ракомет.[1]

Боро Чурлевски
Лични податоци
Роден(а) 21 ноември 1965(1965-11-21)(58 г.)
Битола, СР Македонија, СФРЈ
Починал(а) 26 декември 2014(2014-12-26) (возр. 49)
Битола, Македонија
Националност Македонец
Спорт Ракомет
Клупски податоци
Сениорски клубови
1984–1988
1988–1989
1989–1991
1991–1992
1992-1994
1994–1999
1999–2000
2000–2001
Пелистер
Црвенка
Пелистер
Тутунски Комбинат
Борец
Пелистер
Килкис
Ловќен
Репрезентација
  СФРЈ Југославија
Македонија Македонија

Играчка кариера

уреди

Клупска кариера

уреди

Играчката кариера ја започнал во Пелистер во 1984 година со кој 3 пати ја освоил вице-шампионската титула во СФРЈ во периодот помеѓу 1984 и 1988 година. Една сезона (1988/89) поминал во РК Црвенка од истоимениот град. Сезоната 1989/90 повторно се вратил во Пелистер. За сезоната 1991/92, Чурлевски преминал во Тутунски Комбинат од Прилеп, со кој ја освоил титулата во Втората ракометна лига на СФРЈ. По осамостојувањето, кариерата ја продолжил во Борец Агропин од Велес со кој го освоил Купот на Македонија 1994. Во 1994 година се вратил во матичниот Пелистер, каде во период од 5 години (1994-1999) освоил две Првенства и четири Купови на Македонија. Во сезоната 1999/00 играл во грчкиот Килкис од Кукуш, а кариерата ја завршил во црногорскиот тим Ловќен со кој ја освоил шампионската титула во СР Југославија во сезоната 2000/01.[2]

Многупати бил прогласуван за најдобар играч и најдобар стрелец на турнирите на кои настапувал: Меѓународен турнир – Добој 1994/96 сезона, Струга 1994/96 сезона, Меѓународен турнир – Лесковац 2000 година, најдобар стрелец во 1989 година во Светозарево и 1992 година во Струга.[2]

Репрезентативна кариера

уреди

Одиграл многу натпревари за Репрезентацијата на поранешна Југославија, освојувајќи бронзен медал на Светското првенство во Романија во 1987 година. Бил дел од првиот состав на македонската ракометна репрезентација со која учествувал на Европското првенство во Италија во 1998 година и Светското првенство во Египет наредната година.

Тренерска кариера

уреди

Тренерската кариера ја започнал во Пелистер, а работел и во грчкиот Килкис, РК Југ, косовските Кастриоти и Беса,[2] во женската екипа на Патра и во Либија. Последен негов ангажман бил на позицијата тренер на РК Прилеп, на чија клупа седнал во септември 2014 година.

Успеси

уреди

Титули

уреди

  Прилеп

уреди

  Борец

уреди

  Пелистер

уреди

  Ловќен

уреди
  • Прва југословенска лига (1) : 2000/01

Наводи

уреди
  1. Preminuo Boro Čurlevski, član šampionskog tima Lovćena. Архивирано од изворникот на 2014-12-27. Посетено на 2015-03-22.
  2. 2,0 2,1 2,2 „Битола е душата и талентот на спортска Македонија (Пасус - Боро Чурлевски)“. zoran-misevski.blogspot.com преку web.archive.org. 30 декември 2012. Архивирано од изворникот на 2019-12-27. Посетено на 27 декември 2019.CS1-одржување: бот: непознат статус на изворната URL (link)