Отвори го главното мени

Богдан Поп Ѓорчев


Д-р Богдан Поп Ѓорчев (25 мај 1904, Велес15 јануари 1945, Велес) — македонски лекар, деец на ММТРО и жртва на комунистичкиот режим. Тој бил виден и почитуван лекар во Велес.[1]

Роден 25 мај 1904
Велес,  Османлиско Царство
Починал 15 јануари 1945(1945-01-15) (воз. 40 г.)
Велес,  СР Македонија,  Југославија

БиографијаУреди

Богдан Поп Ѓорчев е роден на 25 мај 1904 во Велес, тогаш под Османлиското Царство. Во 1922 година влегува во Македонската младинска тајна револуционерна органицазија. Од 1924 до 1930 година учи медицина во Виена. Откако завршил медицина започна да работи како лекар во железницата, а одпосле си отвара приватна пракса. Се разочарува од братоубиствените убиства во ВМРО. Учествува во демонстрации пред зградата на управата на Вардарската Бановина. Потпишува заедно со други истомисленици меморандум за отцепување на Вардарска Македонија од Кралвстото Југоославија. Поп Ѓорчев е еден од основателите на списанието „Луч“. На 28 октомври 1940 година во својата куќа подготвува бојкот на посетата на српскиот патриарх Гаврил во Велес по повод на 100-годишнината на црквата Свети Панталејмон. Во бојкотот од страна на ВМРО учествуваат лекарот Поп Ѓорчев, Георги Попандов и Коце Ванов (градоначалник на Велес за време на војната). Од страна на Сојузот на комунистите во бојкотот учествуваат Страхил Гигов и Лазе Стојанов - Азања. Тие имаат отпечатено известувања до народот од партиската техника на СКЈ и бојкот станува успешен.

За време на Втората светска војна е околиски лекар и како таков помага на редици југословенски партизани да се лекуваат и кријат. Во септември 1944 година тој одзеде седум заробени југословенски партизани од Германците, кои беа дел од Осмата македонска ударна бригада. При заземувањето на Велес од страна на партизаните на 10 ноември 1944 година тој е уапсен. Богдан Поп Ѓорчев е измачуван и убиен со железо на 15 или 16 јануари 1945 година за време на Велешкиот масакр, каде што се убиени и масакрирани и други 52 родољубиви македонски дејци и поддржувачи на ВМРО и ММТРО.[2][3] Синот Борис Поп Ѓорчев после независноста на Македонија во 1991 година како новинар се залагаше за целосно расветлување на велешкиот масакр и убиството на татко му.

ПоврзаноУреди

БелешкиУреди