Белокрстен шарен клукајдрвец
| Белокрстен шарен клукајдрвец | |
|---|---|
| |
| Mажјак D leucotos | |
| |
| D leucotos пар | |
| Научна класификација | |
| Царство: | Животни |
| Колено: | Хордати |
| Класа: | Птици |
| Ред: | Клукајдрвци |
| Семејство: | Picidae |
| Род: | Dendrocopos |
| Вид: | D. leucotos |
| Научен назив | |
| Dendrocopos leucotos (Bechstein, 1802) | |
Белокрстниот шарен клукајдрвец (Dendrocopos leucotos) е Евроазиски клукајдрвец кој припаѓа на родот Dendrocopos. Toj е најголем од досега забележаните клукајдрвци во западниот палеарктик. Го има и во Македонија.
Опис уреди
Белокрстниот шарен клукајдрвец е долг 24-26 см, со распон на крилјата 38-40 см и има перја слични како големиот шарен клукајдрвец, но со бели линии низ целите крилја наместо точки и бел долен грб. Мажјаците имаат црвена круна, а женките црна.[2]
Распространетост уреди
Подвидот D. l. leucotos го среќаваме во централна и северна Европа, а подвиодот D. l. lilfordi на Балканот и во Турција. Уште десет подвида се распространети до Кореја и Јапонија. Таа е ретка птица, која бара голема шума, со многу мртви дрвја. Нивниот број значително се намали во нордиските земји, а во Шведска се смета за загрозен вид и е ставен во националната прогарама за заштита.[3]
Поведение уреди
Во сезоната на парење овој клукајдрвец, како и другите од неговиот род, прави гнездо во дупките на дрвото, која е широка околу 7 см и 30 см длабока. Снесува 3-5 бели јајца и ги инкубира 10-11 дена. Се храни претежно со дрвните штетници - инсекти, и нивните ларви, со разни други инсекти, како и со ореви, семиња и други плодови. Чукањето во дрво од страна на мажјаците е многу силно, а огласувањето вклучува мек звук „киук“ и малку подолг „куееек“.
Подвидови уреди
Има 12, до сега познати, подвида:[4][5]
- D. l. leucotos
- D. l. lilfordi
- D. l. tangi
- D. l. subcirris
- D. l. stejnegeri
- D. l. namiyei
- D. l. takahashii
- D. l. owstoni
- D. l. fohkiensis
- D. l. insularis
- D. l. quelpartensis
- D. l. uralensis
Наводи уреди
- ↑ BirdLife International (2012). „Dendrocopos leucotos“. IUCN Red List. Version 2012.1. International Union for Conservation of Nature. Посетено на 16 July 2012.
- ↑ The Birds of the Western Palearctic [Abridged]. OUP. 1997. ISBN 0-19-854099-X.
- ↑ National Biodiversity Action Plan of Sweden, Upsala (1999)
- ↑ „GlobalTwitcher.com: White-backed Woodpecker Dendrocopos leucotos“.
- ↑ „eol Encyclopedia of Life: Dendrocopos leucotos“.
Извори уреди
- Gorman, Gerard (2004): Woodpeckers of Europe: A Study of the European Picidae. Bruce Coleman, UK. ISBN 1-872842-05-4.