Балиско Море
Балиско Море (индонезиски: Laut Bali) — морска површина северно од островот Бали и јужно од островот Кангеан, Индонезија. Го образува југозападниот дел на Флореското Море, а од запад се граничи со Мадурскиот Проток.[1]
Географија
уредиМорето понекогаш се смета за целина заедно со Флореското Море за океанографски цели, но некои поморски крати го бележат како посебно. Балиското Море зафаќа површина од 45.000 км2 и достигнува најголема длабочина од 1.590 м.[2]
Опфат
уредиСпоред Меѓународната хидрографска организација, Балиското Море ги има следниве граници:[3]
На север. Линија од островот Западен Патерностер до источнот крај на Сепанџанг, а оттаму преку овој остров до западниот крај на заливот Гедех на јужниот брег на Кангеан (7°01′S 115°18′E / 7.017° ЈГШ; 115.300° ИГД).
На запад. Линија од западниот крај на заливот Гедех на островот Кангеан до ’ртот Седано, североисточниот крај на Јава и надолу по истсочниот брег до ’ртот Бантенан, југоисточниот крај на островот.
На југ. Линија од ’ртот Баненан низ јужните краеви на островите Балт и Пенида до ’ртот Бт. Генданг, југозападниот крај на Ломбок и неговиот јужен брег до ’ртот Рингит (југоисточниот крај), а оттаму линија до ’ртот Мангкун (9°01′S 116°43′E / 9.017° ЈГШ; 116.717° ИГД), југозападниот крај на Сумбава.
На исток. Западниот и северниот брег на Сумбава, на исток сè до ’ртот Сарокаџа (8°22′S 117°10′E / 8.367° ЈГШ; 117.167° ИГД), оттаму западната граница на Флореското Море [линија од ’ртот Сарокаџа до островот Западен Патерностер (7°26′S 117°08′E / 7.433° ЈГШ; 117.133° ИГД)].
Струење на водата
уредиДвижењата на водената маса на Балиското Море претставуваат продолжение на тековите од Флореското до Јаванското Море на север. Низ него минува Индонезиската струја која доаѓа од Тихиот и преоѓа во Индискиот Океан, при што текот е најзастапен во Балискиот и Ломбочкиот Проток.[4]
Цунамија
уредиБалиското Море бележи неколку цунамија во пишаната историја. Едно е забележано со избувнувањето на Тамбора во 1815 г. (показател на вулканска избувност од 7), а потоа и уште едно по три години, со подоцнежната вулканска активност.[5] Забележани се уште две цунамија во 1857 и 1917 г. со најголема висина од 3 односно 2 м.[5]
Поврзано
уредиНаводи
уреди| „Балиско Море“ на Ризницата ? |
- ↑ Merriam-Webster's Geographical Dictionary. Merriam-Webster. 1997. ISBN 0-87779-546-0.
- ↑ Steven K. Baum (August 17, 2001). „Glossary of Physical Oceanography and Related Disciplines“. Texas A&M University. Архивирано од изворникот на 18 October 2007. Посетено на 2007-10-09.
- ↑ „Граници на океаните и морињата, III изд“ (PDF). Меѓународна хидрографска организација. 1953. Архивирано од изворникот (PDF) на 2011-10-08. Посетено на 7 февруари 2010. (англиски)
- ↑ Rhodes W. Fairbridge (2000). The Encyclopedia of Oceanography. Van Nostrand Reinhold Co. ISBN 0-442-15070-9.
- ↑ 5,0 5,1 National Geophysical Data Center. „Tsunami Events where Source Location Name includes bali sea“. Natural hazards. Посетено на 2007-10-09.